LUKAS 1:47 - Alkitab Singog In Mongondow Masa In Tanaa

⁴⁷ bo mopia totok in ginaku sin ki Allah in mopoposaḷamatku.

LUKAS 1:47 Iomraidhean Croise

MAZMUR 35:9

Dá moḷunganga in ginaku popisí in ki Tuhan, mopia in ginaku sin Sia in noposaḷamat kon inakó.

HABAKUK 3:18

ginaku in umuranbí moḷunganga, sin Iko in ki Tuhan mopoposaḷamatku.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

TIMOTIUS 1 1:1

Timotius, adíku kon bonu in pirisaya kon i Tuhan! Surat tanaa in nongkon inakó, ki Paulus inta nobaḻí rasul i Yesus Kristus podudui in ibog i Allah, inta Mopoposaḷamat naton, bo podudui in parenta i Yesus Kristus oandoḷan kobiagan naton. Poigumon mako tua, ki Allah ki Amá naton bo ki Yesus Kristus, ki Tuhan naton in umuran mobogoi in barakat, totabi bo kobiagan motompia kon inimu.

TIMOTIUS 1 2:3

Sin natuabí in mopia bo kinoibog i Allah inta mopoposaḷamat naton.

TITUS 1:3

Sin kon wakutu inta ain sinantú-Nea, pinoniata-Neadon in dandi-Nea tatua kon bonu in koyow-Nea. Koyow-Nea tatua inta pinoki aid-Nea kon inakó, bo tuata in pinotaa-taauku mako podudui in parenta i Allah inta mopoposaḷamat naton.

TITUS 2:10

bo dika monakow. Umuranbí poontong in aid inta mopia inta motaau pirisayaan, sinbá moniatadon kon aid mita naton tatua in totundúbí mita i Allah, sahingga in ki Allah Mopoposaḷamat naton in umuran dayowon monia popisí in aid naton inta mopia.

TITUS 2:13

Tanaa mako, kita in mogoḷatpa mako kon singgai inta iharap mako naton tua. Kon singgai tatua, dunia naa in mokoontongdon kon kamuliaan i Yesus Kristus, Sia tuata in ki Allah Inta Totok in Momulia bo Datu Mopoposaḷamat naton.

YUDAS 1:25

Tongábí Sia tua in ki Allah, Mopoposaḷamat naton pongin i Yesus Kristus Tuhan naton. Siata in ki Allah inta momulia, Moḷoben, mokawasa bo inta mokobangkaḷ nongkon tungkuḷpa intua, masai naa bo modapot kopaḷutan in dunia naa! Amin.