LUKAS 1:45 - Alkitab Singog In Mongondow Masa In Tanaa

⁴⁵ Kosanangdon iko inta mopirisaya, sin onu inta ain pinoguman i Tuhan kon inimu, totu-totuubí mobaḻí intua!”

LUKAS 1:45 Iomraidhean Croise

DATU MITA IMITÁNEA 17:16

Bo ná inta pinoguman i Tuhan pinongin i Elia, palo tatua in umuranbí oyúon in topong kon bonunea, bo botoḷ in umuran doman oyúon in ḷana.

DATU MITA 2 4:5

Dá nobuidon in bobay tatua kon baḷoinea. Naonda in sia bo ki adínea mita sinumuot bo noḻingkop kon ḷoḻingkop in baḷoi, sia in nogamá kon botoḷ nointok inta kon bonu in ḷana zaitun tatua, bo nogaḻin kon ḷana tatua kon botoḷ mita inta inogoi i adínea mita kon inia.

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

LUKAS 1:20

Habar inta totu-totuu kon mobaḻí kon wakutu inta ain sinantú i Tuhan, tongá iko bo diá mopirisaya kon singogku naa, dá iko in diádon mokosingog dapot intua komintan mobaḻí ná kain singogku.”

LUKAS 1:44

Sin totuubí kon wakutu in dinongogku in singogmu, yo adí kon bonu in sianku naa noḻiai sin mopia in ginanea.

LUKAS 1:48

Sia nokotorop kon inakó, bobantung inta nobogá! Pinangkoi kon tanaa mako bayongan in intau moguman kon akuoi in totok mosanang.

YOHANES 11:40

Dá ki Yesus in noguman kon i Marta, “Degá kinoḻionganmudon inta pinoguman-Ku kon inimu; Kon aka iko mopirisaya, yo iko in mokoontongbí kon kawasa i Allah inta totuu moḷoben!”

YOHANES 20:29

Dá ki Yesus in noguman kon inia, “Iko in nopirisaya popisí in inontongmudon toh? Kosanangdon totok in mosia inta umpaka diá nokoontong táe nopirisaya kon i-Nakó!”