LUKAS 1:42 - Alkitab Singog In Mongondow Masa In Tanaa

⁴² bo poḷat nosingog noropot, nanaa, “Binarakatandon in iko kon sigad in bayongan bobay! Binarakatan doman in adí inta polahirmu!

LUKAS 1:42 Iomraidhean Croise

KINOBAḺIAN 22:18

Bayongan in bangusa kon dunia naa in mopoigum kon i-Nakó sinbá Akuoi momarakat kon i monia ná Akuoi ain nomarakat kon buímu – sin iko ain dinumudui kon parenta-Ku.”

MAZMUR 21:6

Popisí in totuḷung-Mu dá nobaḻí in sia totok in ihoromat, binaḻí-Mu in sia ponango-nangoian bo motarimbuka mako.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

LUKAS 1:28

Malaekat tatua sinumuot kon baḷoi i Maria bo poḷat noguman nanaa, “Salam kon inimu inta binarakatan, ki Tuhan in koyota-yotakinmu.”

LUKAS 1:41

naonda in dinongog i Elisabet in salam i Maria tatua, adí inta kon bonupa in siannea tua iḻimiai noropot bo dodai doman intua ki Elisabet kinawasa in Roho i Allah,

LUKAS 1:43

Ki inebí in akuoi naa nodapot in ki iná i Tuhan namangoi noindoi kon inakó?

LUKAS 1:48

Sia nokotorop kon inakó, bobantung inta nobogá! Pinangkoi kon tanaa mako bayongan in intau moguman kon akuoi in totok mosanang.

LUKAS 19:38

Mosia in nomaḷú nanaa, “Binarakatan in Datu inta namangoi kon bonu in tangoi Tuhan! Dodamean kon soroga, bo dinayo-dayowdon in ki Allah!”

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

HAKIM MITA 5:24

Binarakatandon in ki Yael, ki buḷoi bobay i Heber intau in Keni; nongkon bayongan inta nogutun kon ḷoḷaigan, sia tuata inta totok in binarakatan.