LUKAS 1:41 - Alkitab Singog In Mongondow Masa In Tanaa

⁴¹ naonda in dinongog i Elisabet in salam i Maria tatua, adí inta kon bonupa in siannea tua iḻimiai noropot bo dodai doman intua ki Elisabet kinawasa in Roho i Allah,

LUKAS 1:41 Iomraidhean Croise

KINOBAḺIAN 25:22

Sia in nonogusian kon adí apang, bo kon tungkuḷ in adí mita tatua diápa pinononggadí, mosia in mosikondogan kon bonu in sian i inánea. Ki Ribka noguman, “Nongonu sin soaḷ tanaa mustibí mobaḻí kon inakó?” Bo sia nopoigum in totundú kon i Tuhan.

MAZMUR 22:10

Ikobí inta nopoḷuai kon inakó nongkon bobuḷadían, bo noodom kon dodai in sinompunuk i ináku.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 1:40

Sia minayá in baḷoi Zakharia. Naonda in sia sinumuot in baḷoi tatua, sia nobogoi in salam kon i Elisabet,

LUKAS 1:42

bo poḷat nosingog noropot, nanaa, “Binarakatandon in iko kon sigad in bayongan bobay! Binarakatan doman in adí inta polahirmu!

LUKAS 1:44

Sin totuubí kon wakutu in dinongogku in singogmu, yo adí kon bonu in sianku naa noḻiai sin mopia in ginanea.

LUKAS 1:67

Ki Zakharia, ki amá in adí tatua kinawasa in Roho i Tuhan bo sia in nopoyaput in habar nongkon i Tuhan. Nanaa in kainia,

LUKAS 4:1

Naonda in nobatun mako kon tubig in Ongkag Yordan ki Yesus, Sia kinawasa in Roho i Allah bo dinia minayá in padang gurun.

OUMAN IN RASUL MITA 2:4

Mosia tua in komintandon kinawasa in Roho i Allah. Dá nomangkoidon in mosia nosingog nomaké in bahasa in intau ibanea. Mosia in nosingog podudui in singog inta inogoi in Roho i Allah singogon.

OUMAN IN RASUL MITA 4:8

Bo takin kawasa in Roho i Allah, ki Petrus in notubag, “Tuang mita inta nobaḻí itoi mita in bangusa bo tuang mita inta anggota mita in sidang!

OUMAN IN RASUL MITA 6:3

Dá, maníka ki utat mita in momiḻí kon pitu in intau inta kon sigad monimu, intau mopia bo inta kinawasa in Roho i Allah, mobijaksana bo inta motaau pirisayaanmai monoinut kon soaḷ mita tanaa;

OUMAN IN RASUL MITA 7:55

Táe ki Stepanus inta kinawasa in Roho i Allah tatua, iḷumangag kon ḷangit bo inontongnea in kamuliaan i Allah bo ki Yesus in sinimindog kon dotá in koḷanan i Allah.

OUMAN IN RASUL MITA 9:17

Dá ki Ananias in minayá domandon in baḷoi tatua bo nomarakat kon i Saulus, kainia, “Saulus utatku, ki Tuhan Yesus inta ain nokipogontong kon i utat kon daḷan, wakutu in ki utat mopoangoi in naa, Sia doman tua inta nopotabá kon inakó mamangoi kon inimu sinbá ki utat in buipa mokoontong bo kawasaandon in Roho i Allah.”

EPESUS 5:18

Donaai in moiko moḷoḷangu in anggur, sin tua in mokogoguyaat kon i monimu, táe ramujidon bá Roho i Allah in mongawasa kon i monimu.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.