LUKAS 1:35 - Alkitab Singog In Mongondow Masa In Tanaa

³⁵ Dá tubag in malaekat tatua kon inia nanaa, “Roho i Allah takin kawasa-Nea inta totok in moḷantud mamangoi bo mongawasa kon inimu. Tuamain Adí inta polahirmu tua in tangoion Mokudus, ki Adí i Allah.

LUKAS 1:35 Iomraidhean Croise

AYUB 14:4

Motaau degá in intau baradosa mokopoangoi kon inta motompod?

AYUB 15:16

Apadoman intau inta moraat bo tangoinea in diádon mopia, inta nonginum kon moraat naonda bo tongá tubig.

AYUB 25:4

Degá intau motusi kon mata i Allah? Degá nodarit kon tayowon-Nea?

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

MATIUS 1:20

Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

MATIUS 14:33

Intau mita inta kon bonu in uangga nosumba kon i-Nia. Kai monia, “Totu-totuu kon Iko naa in ki Adíbí i Allah.”

MATIUS 27:54

Itoi in tontara takin prajurit-Nea inta noḷukad kon i Yesus noondokdon totok naonda in nokoontong kon ḻinug bo onu inta aindon nobaḻí tatua, bo mosia nosingog, “Totuubí, kon Sia naa in ki Adíbí i Allah!”

MATIUS 4:3

Dá namangoidon Ibilis bo noguman kon i-Nia, kainia: “Aka Iko totu-totuu ki Adí i Allah, yo aidaidon roti in batu mita tanaa”.

MARKUS 1:1

Naa in Habar Mopia soaḷ ki Yesus Kristus, ki Adí i Allah.

MARKUS 1:24

“Ei Yesus, intau in Nazaret, onuon-Mu in kami? Mamangoi degá momutú kon inami in Iko? Kotaauankubí in Iko: Iko nion in totabá i Allah inta motusi!”

LUKAS 1:27

Pinotabá-Nea in malaekat tatua minayá kon tobatú mongodeaga inta ain kinantangan i Yusup, buí i Daud, ki Maria tangoi in bobay tatua.

LUKAS 1:34

Dá kai Maria, “Akuoi naa in mongodeagapa, yo naonda in kobobaḻí intua komintan?”

LUKAS 1:36

Bo pokotaaudon kon ki Elisabet inta ginaḷummu tua ain doman sidia onom nobuḷan. Adí inta kon bonu in siannea tua in adí ḷoḷaki, umpaka nogoguyangdon bo kain intau in bantó.

YOHANES 1:34

Bo inontongkudon tontaní intua,” guman i Yohanes, “Bo potaaukudon kon i monimu kon Siabí tua in ki Adí i Allah.”

YOHANES 1:49

“Pak Guru, guman i Natanael, ki Amá in ki Adí i Allah!”

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

OUMAN IN RASUL MITA 8:36

Kon binayáan monia tatua, mosia noidapot in tobatú tampat inta oyúon in tubig. Pogawai tatua noguman, “Indoiaika, kon tua oyúon in tubig! Motaau degá aka akuoi baptisondon kon tua?” [

SURAT I PAULUS KON JAMAAT RUM 1:4

Táe podudui kon i Allah yo noniata magí Sia in ki Adíbí i Allah. Tua komintan noniata kon kawasa inta totok in moḷoben inta nokobiag kon i-Nia nongkon kinopatoian-Nea.

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!