LUKAS 1:31 - Alkitab Singog In Mongondow Masa In Tanaa

³¹ Iko in mobaḻí sidia bo nopolahir in adí ḷoḷaki, bo musti tangoianmu ki Yesus in Sia.

LUKAS 1:31 Iomraidhean Croise

AMSAL 23:25

Igumon mako in ki amá bo ki inámu mopia in ginanea kon inimu; igumon mako in mosanangdon totok in bobay inta nopononggadí kon inimu.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

MATIUS 1:21

Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

MATIUS 1:25

Táe diápabí siniugannea in ki Maria nodapot in adí tatua pinononggadí. Bo naonda in adí ḷoḷaki tatua pinononggadídon, dá sinangoian i Yusup ki Yesus in Sia.

LUKAS 1:13

Táe kain singog in malaekat tatua kon inia, “Dika moondok Zakharia, sin mintahangmu inindongogandon i Tuhan, dá ki Elisabet ki buḷoimu tua in mopolahirbí in adí ḷoḷaki, bo mustibí tangoianmu ki Yohanes in adí tatua.

LUKAS 1:27

Pinotabá-Nea in malaekat tatua minayá kon tobatú mongodeaga inta ain kinantangan i Yusup, buí i Daud, ki Maria tangoi in bobay tatua.

LUKAS 2:21

Naonda in umurdon waḷu nosinggai, Adí tatua sinunat. Bo sinangoian monia ki Yesus, tangoi inta pinoki ponangoi in malaekat kon i-Nia wakutu in diápa kon bonu in sian i iná-Nea.

LUKAS 20:44

Dá aka ki Daud tontaní monangoi kon i-Nia ki Tuangnea, yo naondabí kon Sia tua in tangoionbí buí i Daud?”

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.