LUKAS 1:28 - Alkitab Singog In Mongondow Masa In Tanaa

²⁸ Malaekat tatua sinumuot kon baḷoi i Maria bo poḷat noguman nanaa, “Salam kon inimu inta binarakatan, ki Tuhan in koyota-yotakinmu.”

LUKAS 1:28 Iomraidhean Croise

YESAYA 43:5

Dika moondok, sin Akuoi in moḷukad kon inimu. Nongkon toyopan bo nongkon dotá in pomukaan pinotabá-Ku in ki adí bo ki ompumu mamangoi moyosipun.

DANIEL 10:19

Sia in noguman, “Ki Allah in notabi kon inimu, tuamai dikadon moḻia-ḻiaw in gina andeka moondok, yo, koropotdon!” Kon dodai in sia noguman natua, kinorasaanku kon nodugangdon bui in ropotku bo noguman, “Posingogdon, Tuangku. Ki Tuang in nodugangdon kon ropotku.”

HOSEA 14:2

Pobuidon mangoi kon i Tuhan Allahmu, ei bangusa in Israel! Dosamu ain nokopopisí kon inimu norondog bo noḷabú.

MATIUS 12:48

Táe tubag i Yesus kon intau inta nopoyaput in habar tatua, “Ki ine in ki iná-Ku? Bo ki ine in ki utat-Ku?”

LUKAS 1:27

Pinotabá-Nea in malaekat tatua minayá kon tobatú mongodeaga inta ain kinantangan i Yusup, buí i Daud, ki Maria tangoi in bobay tatua.

LUKAS 1:29

Nokodongogmai kon singog tatua in ki Maria, noitaḻikokog in sia bo norai kon bonu in ginanea, onu degá in mangaḻe in salam tatua.

LUKAS 1:30

Dá malaekat tatua in noguman kon inia nanaa, “Dika moondok Maria, sin iko in kinosanang gina i Allah.

LUKAS 1:42

bo poḷat nosingog noropot, nanaa, “Binarakatandon in iko kon sigad in bayongan bobay! Binarakatan doman in adí inta polahirmu!

OUMAN IN RASUL MITA 18:10

Sin Akuoi in umuranbí kotaki-takinmu. Bo diábí tobatúmai in motaau momogutú kon inimu, sin noantó bidon in intau kon naa in mopirisaya kon i-Nakó.”

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

HAKIM MITA 5:24

Binarakatandon in ki Yael, ki buḷoi bobay i Heber intau in Keni; nongkon bayongan inta nogutun kon ḷoḷaigan, sia tuata inta totok in binarakatan.

HAKIM MITA 6:12

Malaekat i Tuhan tatua nokipogontong kon inia bo poḷat noguman, “Ei, tayowmobiag inta motorindog! Ki Tuhan kotaki-takinmu!”

RUT 2:4

Diá noonggot kon tua ki Boas namangoi nongkon Betlehem bo nopoyaput in tosingogon tanaa kon intau mita inta mororatab tatua, “Poigumon mako ki Tuhan kotaki-takin monimu,” Intau mita mororatab tatua in notubag, “Poigumon mako ki Tuhan momarakat kon i Amá.”