LUKAS 1:26 - Alkitab Singog In Mongondow Masa In Tanaa

²⁶ Naonda in onomdon nobuḷan sian i Elisabet, ki Allah bui nopotabá kon i malaekat Gabriel minayá in Nazaret, tobatú kotá kon Galilea.

LUKAS 1:26 Iomraidhean Croise

DANIEL 8:16

Dinongogku in singog inta nomaḷú nongkon ḷoḷan in Ongkag in Ulai, kainia, “Gabriel, insilangaidon kon inia in mangaḻe oontongon tatua.”

DANIEL 9:21

Koyogot in akuoi nosambayang, ki Gabriel inta ain inontongku inta kon ontongonku inta muna, iḷumayug mangoi kon inakó. Tungkuḷ intua wakutudon in intau moposumba in kuruban muḷoi in ḷoḷabungnea.

MATIUS 2:23

Kon tua, sia nogutun kon ḻipú inta tangoinea in Nazaret. Tua komintan nobaḻí sinbá motompodon Pirman inta aindon pinoyaput i nabi mita, kon sia in tangoion, “Intau in Nazaret.”

LUKAS 1:19

Dá guman in malaekat tatua, “Akuoi naa in ki Gabriel inta nogundoi kon i Allah, bo ki Allah tontaní in nopotabá kon inakó mopoyaput in habar mopia tanaa kon inimu.

LUKAS 2:39

Naonda in nodait inaidan i Yusup bo i Maria onu inta pinarenta kon hukum i Tuhan, mosia in nobuidon kon Nazaret kon Galilea.

LUKAS 2:4

Ná doman tua in ki Yusup. Sia in nobuat nongkon ḻipú in Nazaret kon Galilea bo minayá in Betlehem butá in Yudea, ḻipú inta kinolahiran i Daud, sin sia in buí i Daud.

YOHANES 7:41

Ibanea in noguman, “Naadon in Datu Mopoposaḷamat!” Táe oyúon doman in noguman, “Ah deeman! Sin Datu Mopoposaḷamat in diábí mamangoi nongkon Galilea?