LUKAS 1:25 - Alkitab Singog In Mongondow Masa In Tanaa

²⁵ Ki Elisabet nosingog nanaa, “Pangabisannea sinuḷungan i Tuhan in akuoi, ininggamáan-Nea in onu inta mokooyá kon inakó.”

LUKAS 1:25 Iomraidhean Croise

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

SAMUEL 2 6:23

Ki Mikhal, adí bobay i Saul tatua in diábí nokouḻí kon adí kinoouputbí in kinobiagannea.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 4:1

Kon dodai intua pitu in bobay in kumadai kon ḷoḷaki tobatú bo moguman, “Ogoidon in kami ḷumabit kon iko in ki buḷoi nami, sinbá kami in diá mobaba kon oyá popisí in diá notonibuḷoi. Kaanon bo ḷambung kopooyúonanbí nami tontaní.”

LUKAS 1:13

Táe kain singog in malaekat tatua kon inia, “Dika moondok Zakharia, sin mintahangmu inindongogandon i Tuhan, dá ki Elisabet ki buḷoimu tua in mopolahirbí in adí ḷoḷaki, bo mustibí tangoianmu ki Yohanes in adí tatua.

LUKAS 1:24

Diá noonggot kon tua, ki Elisabet ki buḷoinea in sidiadon, bo ḻima nobuḷan sia diá iḷumua-ḷuai kon baḷoi.

IBRANI 11:11

Popisí in mopirisaya, dá ki Abraham in nokouḻí kon buí nongkon i Sara umpaka nogoguyangdon in sia bo bantó doman in ki Sara ki buḷoinea. Ki Abraham noyakinbí kon totuuonbí i Allah in dandi-Nea tatua.

HAKIM MITA 11:37

“Tongá,” kain guman in adí bobay tatua bui, “tobatú in poigumonku: Ogoiaipa akuoi in wakutu doyowa nobuḷan modondaḷoi magí-mako kon buḷud takin yobayatku mita. Kon tua in akuoi mongombaḷdon kon kamangku naa, sin akuoi in matoidon kon dodai in akuoi diápa pobuḷoion.”

SAMUEL 1 1:6

Ki Hana naa in umuran i Penina inta buḷoi toḻindua tatua popoyaaton in ginanea bo singkuḻeon, sin ki Tuhan in diá nobogoi in adí kon inia.