LUKAS 1:18 - Alkitab Singog In Mongondow Masa In Tanaa

¹⁸ Dá ki Zakharia in noḻibó kon malaekat tatua, “Nábí onda in kobobaḻí intua komintan? Kaminda motonibuḷoi naa in tumpaḷadon mogoguyang!”

LUKAS 1:18 Iomraidhean Croise

KINOBAḺIAN 15:8

Táe ki Abram in noḻibó, “O, Tuhan Inta Totok in Moḷantud, naondabí in kototaauku kon butá tatua in mobaḻí kapunyaanku?”

KINOBAḺIAN 17:17

Bo dinumokódon in ki Abraham, táe kinumosing in sia kon dodai in norai kon bonu in ginanea, “Degá mokouḻípa kon adí in ḷoḷaki inta umurdon mogatut notaong, bo degá kumaanpa kon akaḷ in ki Sara inta ain umur siow nopuḷú notaong bo mononggadípa?”

KINOBAḺIAN 18:12

Tuamai ki Sara in kinumosing kon bonu in ginanea bo noguman, “Akuoi naa ain nogoguyang bo noḷaotdon nanaa, yo umpaka mosiugpa doman moyotakin i buḷoiku? Apapa doman ki buḷoiku nogoguyang domandon.”

DATU MITA 2 7:2

Itoi in tontara inta moḷoḷukad kon i datu in notubag, “Naondabí! Diábí kumaan kon akaḷ intua, umpakabí kon tanaa mako doman ki Tuhan in mopoangoi in uyan morogot nongkon ḷangit!” “Bain indoianmu tontaní in kobaḻían intua, táe iko in diábí moikaan kon kaanon tatua umpaka tongá topiḻikmai,” tubag i Elisa.

LUKAS 1:34

Dá kai Maria, “Akuoi naa in mongodeagapa, yo naonda in kobobaḻí intua komintan?”

LUKAS 1:7

Tongá mosia naa in diá kogadí, sin ki Elisabet in bantó bo taya dua naa aindon mogoguyang doman.

SURAT I PAULUS KON JAMAAT RUM 4:19

Kinotaauan bidon i Abraham tungkuḷ intua, kon diá bidon kumaan kon akaḷ aka sia bo mokouḻípa kon buí, sin nogoguyangdon in sia, bo umurnea in modiugdon mogatut notaong; natua doman in ki Sara, ki buḷoinea tua, in bantó, tongá umuran moḷoben in pirisaya i Abraham.