LUKAS 1:15 - Alkitab Singog In Mongondow Masa In Tanaa

¹⁵ Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 1:15 Iomraidhean Croise

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 48:19

Táe ki amánea noguman, “Kinotaauankubí uḻeku, kinotaauankubí. Ki Manasye in mobaḻí moḷoben in kawasanea bo buínea in mobaḻíbí doman bangusa inta moḷoben. Táe kawasabí i ai-ainea in moḷobe-ḷoben nongkon kawasanea, bo buí i ai-ainea in mobaḻí bangusa mita inta moḷoben.”

TAWARIKH 1 17:8

Akuoi in notuḷungdon kon inimu kon ondakabí in bayáanmu, bo bayongan in musungmu iyompat-Ku kon dodai in iko noparang. Iko in baḻíon-Ku ponango-nangoian ná itoi mita inta totok in mongokawasa mita kon dunia.

TAWARIKH 1 29:12

Bayongan in kaoyúonan bo kobiagan motompia nongkon ini-Mubí komintan; bayongan in yagi-yagi in kon bonubí in kawasa-Mu inta moropot tua; Ikobí in kitogi kawasa mopobaḻí kon inekabí in mobaḻí intau moḷoben bo moropot.

MAZMUR 22:9

Mosia in noguman, “Pobiódon mako in sia mopongata kon i Tuhan, sinbá ki Tuhan in moposaḷamat kon inia, aka mopia in gina i Tuhan kon inia!”

YEREMIA 1:5

“Kon dodai in Akuoi diápa nomia kon inimu kon bonu in sian i inámu, bo kon dodai in iko diápa pinononggadí, Akuoi ain nomiḻí kon inimu bo noduí kon inimu mobaḻí nabi kon bangusa mita.”

YEREMIA 35:6

Táe mosia in notubag. “Kami in diábí monginum kon anggur. Mogoguyang nami ki Yonadab ki adí i Rekhab in nogimaḷow kon inami bo buí nami in monginum kon anggur. Imaḷow tatua in mononoibí.

IMAMAT 10:9

“Naonda in mopaḷut mako monginum kon anggur ande oinumon mokoḷoḷangu, iko bo ki adímu mita in diábí motaau in tumuot kon bonu in Ḷoḷaigan-Ku. Aka moiko ḻimimpat kon atorang tatua, yo matoi. Atorang tatua musti duduian in bayongan buímu.

ZAKHARIA 9:15

Umat-Nea in notantú bidon kon ḷukadan-Nea, dá bayongan in musung modait taḷowon monia. Naonda bo kokow in intau inta noḷoḷangu in oinumon, natuata in kokow monia kon in parang. Naonda bo dugú in kuruban inta pinoburé kon tudu in mezbah, natuata in dugú in musung moibutak.

LUKAS 1:14

Mosanang bo moḷunganga totok in ginamu, ná doman tua, mobayong doman intau in mosanang in gina aka adí tatua moilahirdon.

LUKAS 7:28

“Bá poguman-Kudon kon i monimu, ‘Kon sigad monia inta pinolahir in bobay diábí tobatúmai in noiḻiu kon i Yohanes. Táe inta totok in mointok kon sigad in umat i Allah, siabí tua in mokawa-kawasa nongkon i Yohanes Mobobaptis.’ ”

LUKAS 7:33

Ki Yohanes Mobobaptis in namangoi – sia in diá nokaan kon roti bo diá doman nonginum kon anggur – táe kai monimu: ‘Sia tua kinotoḷangan in dimbuḷó!’

YOHANES 5:35

Ki Yohanes tua in naonda bo togá noyongkit inta moponindar in bayag. Bo kon tanaa mako mosanangpabí in gina monimu in motarima kon sindar tatua.

OUMAN IN RASUL MITA 2:4

Mosia tua in komintandon kinawasa in Roho i Allah. Dá nomangkoidon in mosia nosingog nomaké in bahasa in intau ibanea. Mosia in nosingog podudui in singog inta inogoi in Roho i Allah singogon.

GALATIA 1:15

Tongá pinodoyonbí kon tabi i Allah, sahingga in piniḻí-Nea in akuoi kon tungkuḷ in kon bonupa in sian i ináku. Inoiní-Nea in akuoi sin mogaid kon oaidan-Nea.

EPESUS 5:18

Donaai in moiko moḷoḷangu in anggur, sin tua in mokogoguyaat kon i monimu, táe ramujidon bá Roho i Allah in mongawasa kon i monimu.

YOSUA 3:7

Ki Tuhan noguman kon i Yosua, “Pinangkoi kon singgai in naa iko baḻíon-Kudon intau moḷoben dá bayongan intau in Israel mohoromatdon kon inimu bo kotaauandon monia kon Akuoi in kotaki-takinmu ná doman Akuoi nonakin kon i Musa.

YOSUA 4:14

Kon singgai tatua ki Tuhan nomia kon soaḷ mita inta nopobaḻí kon bangusa Israel mohoromat kon i Yosua nobaḻí intau moḷoben. Kinoouput in kobiagannea mosia mohoromat kon inia ná pinohohoromat monia kon i Musa.