LUKAS 1:11 - Alkitab Singog In Mongondow Masa In Tanaa

¹¹ Bo kon wakutu in sia notubá kon kamania, malaekat i Tuhan nokipogontong kon inia. Malaekat tatua in sinimindog kon dotá in koḷanan meja pototubaan kon kamania.

LUKAS 1:11 Iomraidhean Croise

IMAMAT 16:13

Dupa tatua musti tubáannea kon tayowon in Poti Dodandian, sahingga poyoknea moikoḷubung kon taḷob in poti tatua bo diádon ontongon i Harun, sin aka ontongonnea, yo matoi in sia.

LUKAS 1:19

Dá guman in malaekat tatua, “Akuoi naa in ki Gabriel inta nogundoi kon i Allah, bo ki Allah tontaní in nopotabá kon inakó mopoyaput in habar mopia tanaa kon inimu.

LUKAS 1:28

Malaekat tatua sinumuot kon baḷoi i Maria bo poḷat noguman nanaa, “Salam kon inimu inta binarakatan, ki Tuhan in koyota-yotakinmu.”

LUKAS 2:10

Táe malaekat tatua in noguman, “Dika moondok! Sin akuoi in mamangoi moguman kon habar mopia kon i monimu, habar inta totok in mokosanang kon gina in bayongan intau.

LUKAS 2:9

Indoianmai sinimindogbí magí in malaekat i Tuhan, bo nokipogontong kon i monia. Sindar i Tuhan nonimbayag kon i monia, dá totok inangoian in ondok i mosia.

OUMAN IN RASUL MITA 5:19

Táe nodoḷom monag, tobatú malaekat i Tuhan nomukat kon ḷoḻingkop mita in ponjara tatua bodongka nodia kon i monia iḷumuai. Malaekat tatua in noguman kon rasul mita tatua,

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

WAHYU 9:13

Onda intua, malaekat inta inggonomnea in nogirup kon torompetnea. Dá dinongogkudon in singog iḷumuai nongkon siku mita in meja pogogukatan kon sosumba inta pinomia nongkon buḷawan, inta inukat kon tayowon i Allah.

HAKIM MITA 13:3

Táe kon singgai tobatú malaekat i Tuhan nokipogontong kon i buḷoinea bobay bo poḷat noguman, “Naa in koonggotnea iko in diábí nokouḻí kon adí, táe diá bidon moonggot bo iko in monogusiandon, bo mokouḻí kon adí ḷoḷaki.

HAKIM MITA 13:9

Dinuduian i Allah onu in pinoigum i Manoah. Malaekat i Tuhan tatua namangoi bui kon dodai in ki buḷoi Manoah tua ḻimitú mako kon gobá. Kon dodai intua ki buḷoinea ḷoḷaki diá in kon tua.