KOLOSE 4:2 - Alkitab Singog In Mongondow Masa In Tanaa

² Umuran mokoporajing in mosambayang bo umuran pobasadia, dika mokoḻiong in mosukur kon i Allah.

KOLOSE 4:2 Iomraidhean Croise

AYUB 15:4

Aka kuma bo tosingogonmu tua duduian, dá diábí in tobatúmai in intau in moondok andeka mosambayang bui kon i Allah.

MAZMUR 109:4

Mosia in moponapud kon inakó, umpakabí akuoi motabi kon i monia, bo ain sinambayanganku in mosia.

MATIUS 26:41

Umuran poḷukad bo posambayang sinbá moiko in diá mokorasa kon sobaan, sin kinotaauan-Ku bidon in moiko, moiko in moibogbí mogaid kon inta kinoibog i Allah, táe moiko in tongábí intau moyangkó.”

MARKUS 13:33

Manangka intua moiko in musti umuran mobasadia, sin diá kotaauan monimu in wakutunea.

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

OUMAN IN RASUL MITA 1:14

mosia in umuran notobatú kon gina moyosipun sin mosambayang. Mosia in nosambayang takin tongonumai in bobay ná ki Maria inta ki iná i Yesus, bo ki utat mita i Yesus.

SURAT I PAULUS KON JAMAAT RUM 12:12

Utat, poharapdon kon i Tuhan takin ḷunganga in gina, mokoposabar aka koantugan in susa, bo umuran posambayang.

EPESUS 6:18

Aidai intua komintan takin mosambayang mopoigum kon totuḷung i Allah. Posambayangdon pomuḷoi mako podudui ibog in Roho i Allah kon i monimu. Umuran pobasadia in moiko bo dika umundok. Tantú sambayangai in bayongan umat i Allah.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

KOLOSE 1:9

Manangka intua umurandon sambayangan nami in moiko naonda in kinodongogandon nami in habar soaḷ moiko. Kami in mopoigum kon i Allah sinbá moiko in mobijaksana bo mopandoi popisí in kawasa in Roho i Tuhan, sahingga in kotaauandon totok monimu onu in kinoibog i Allah.

KOLOSE 2:7

bo monguakat kon bonu i Kristus Yesus. Moiko in musti moposindogdon in kobiaganmu bo ki Kristus in dodoyonanmu. Mustidon modugang in pirisaya monimu kon i Kristus, podudui in onu inta ain sinundú kon i monimu. Bo ginamu in umurandon moibo-ibog mopoyaput in sukur moantó.

KOLOSE 3:15

Pakédon in dodamean inta inogoi i Kristus, sinbá kawasaan-Neadon in ginamu, sin tuabí in mangaḻe pinogoinían kon i monimu motobatú kon awak, bo umuranbí posukur kon i Allah.

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

KOLOSE 4:12

Salam doman nongkon i Epapras. Sia naa intau doman nongkon sigad monimu. Mosia naa in mogogaid doman kon oaidan i Kristus inta umuran mosatia in mosambayang sin kopontingan monimu. Sia totok in mopoigum kon i Allah sinbá mobaḻídon moropot in koyakinan monimu, bo totu-totuudon moguyang in moiko sinbá totu-totuu domandon dumudui kon ibog i Allah.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

SAMUEL 1 1:12

Noonggot totok in ki Hana nosambayang, bo ki Eli nonaridi mako kon bibig in bobay tatua.

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.