KOLOSE 4:10 - Alkitab Singog In Mongondow Masa In Tanaa

¹⁰ Ki Aristarkhus inta noyotakinku kon bonu in ponjara nokipoyaput in salam kon i monimu. Ná doman tua in ki Markus inta pokuadíon i Barnabas. Soaḷ ki Markus naa, aindon pinongoyow kon i monimu kon tarimadon in sia aka mamangoi kon i monimu.

KOLOSE 4:10 Iomraidhean Croise

OUMAN IN RASUL MITA 12:12

Bo naonda in kinomangaḻeanneadon intua komintan, sia in minayá in baḷoi Maria, ki iná i Yohanes inta dinonoi ki Markus. Kon tua mobarong totok intau in noyosipun bo mosambayang.

OUMAN IN RASUL MITA 12:25

Naonda in nopaḷutdon in oaidan i Barnabas bo i Saulus, mosia in nobuidon nongkon Yerusalem bo nodia kon i Yohanes Markus noyotakin i monia.

OUMAN IN RASUL MITA 13:13

Ki Paulus bo yobayatnea mita, nongkon Papos sinumakoi kon uangga bo minayá in Perga inta kon Pampilia. Kon tua ki Yohanes Markus nonaḷámaidon kon i monia bo nobui kon Yerusalem.

OUMAN IN RASUL MITA 13:5

Naonda in noiyaput in mosia kon ḻipú in Salamis, mosia in nopotaa-taau mako in pirman i Allah kon bonu in baḷoi mita pososambayangan in intau Yahudi. Kon binayáan monia tatua, ki Yohanes inta dinonoi ki Markus in notuḷung kon i monia.

OUMAN IN RASUL MITA 19:29

Dá notombauk in bayongan intau kon kotá tatua. Bo intau mita inta nopotombauk tatua in nodomok kon i Gayus bo kon i Aristarkhus, intau in Makedonia inta nogindua kon i Paulus kon bonu in binayáannea bo pinoḷuai monia kon tampat pododondongan tatua.

OUMAN IN RASUL MITA 20:4

Sia in sinakinan i Sopater, ki adí i Pirus intau in Berea, bo i Aristarkhus, bo i Sekundus intau in Tesalonika, bo i Gayus intau in Derbe. Ki Timotius, ki Tikhikus bo ki Tropimus doman takin intau mita inta nongkon Asia.

OUMAN IN RASUL MITA 27:2

Kami in sinumakoi kon kapaḷ inta nongkon Adramitium, kapaḷ tatua in nongandu-ngandupa doman mako kon bayongan totubuan in kapaḷ kon propinsi Asia. Ki Aristarkhus, intau tobatú in Makedonia inta namangoi nongkon Tesalonika, in kotaki-takin doman nami.

OUMAN IN RASUL MITA 4:36

Natua doman in ki Yusup. Sia in nopotaḷui doman in butánea, bo doit boḻinea tatua dinianea inogoinea kon rasuḷ mita. Ki Yusup naa in intau tobatú inta buí in Lewi nongkon Siprus; rasuḷ mita modonoimai kon inia ki Barnabas (inta mangaḻenea, Mohohibur).

SURAT I PAULUS KON JAMAAT RUM 16:2

Tarimadon in sia saḷaku tobatú umat i Tuhan. Mustibí natua in intau mita inta mopirisaya mositarimaan. Tuḷungai in sia aka oyúon in paraḷunea kon i monimu, sin sia tontaní ain notuḷung kon intau mobayong bo kon inakó doman.

SURAT I PAULUS KON JAMAAT RUM 16:7

Poyaputpa doman in salamku kon i Andronikus bo kon i Yunias. Mosia tua in toḻipúanku bo nokoimontandon in sinumuot kon ponjara takinku. Wakutu in akuoi diápa nopirisaya kon i Kristus mosia in munadon nopirisaya. Tangoi monia tua in kinotaauan bidon totok in rasul mita.

TIMOTIUS 2 4:11

Dongkadon ki Lukas in kotaki-takinku naa. Tuamai andupdon in ki Markus bo dia mangoi kon naa sin sia in motaau pokituḷunganku pokiaidan in oaidanku tanaa.

PILEMON 1:23

Ki Epapras inta noyotakinku kon bonu in ponjara popisí in nogaid doman kon oaidan inta pinoki aid i Kristus, nokipoyaput doman in salam kon inimu.

PILEMON 1:24

Bo tarimadon doman in salam nongkon yobayat mita topogaidanku, ki Markus, ki Aristarkhus, ki Demas bo ki Lukas.

PETRUS 1 5:13

Yobayat mita tojamaatan takinku kon Babilon, inta ain piniḻí doman i Allah, nokipoyaput in salam kon i monimu; natua doman in ki Markus ki adíku inta kinotabiku.