KOLOSE 3:16 - Alkitab Singog In Mongondow Masa In Tanaa

¹⁶ Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

KOLOSE 3:16 Iomraidhean Croise

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

TAWARIKH 1 25:7

Ki adí ḷoḷaki monia inta doyowa nopuḷú bo opat takin ginaḷum motoḷuadí monia tua in intau mita inta mongopia mita mopogogitog in musik. Kobayong monia komintan tua in 288 in intau.

NEHEMIA 12:46

Pinangkoi kon i Datu Daud bo ki Asap inta monotaau totok kon musik, intau mita mododondong ain nopodondong in dondong dodayow sukur kon i Allah.

AYUB 23:12

Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 119:54

Kinoouput in kobiaganku inta motoyong naa kon dunia, atorang-Mu in baḻíonku dondong mita dodayow.

MAZMUR 138:1

Nongkon i Daud. O Tuhan, akuoi in moibog mopoyaput in sukur kon ini-Mu, takin ḻimbatú in ginaku. Kon tayowon in bayongan dewa podondongku in dayow kon ini-Mu.

MAZMUR 28:7

Ki Tuhan in mogogoḻiung bo mododuḷuku, akuoi in mopirisaya kon i-Nia. Sia in notuḷung bo nopoḷunganga in ginaku, akuoi in nodayow kon i-Nia pinongin dondong sukur.

MAZMUR 32:7

Ikobí in pogogadopanku, Pinoḷuat-Mu in akuoi nongkon roriga. Dá akuoi in nonggoḷokap pia in gina, sin Iko in noposaḷamatdon kon inakó.

MAZMUR 71:23

Akuoi in monggiow takin pia in gina, sindaḷan mopodondong in dodayow kon ini-Mu. Dimukud bo awakku modondong takin pia, sin Iko in noposaḷamatdon kon inakó.

AMSAL 14:8

Intau mobijaksana in kotaauanneabí onu in aidannea, intau bodok koakaḷan in kobobodoknea.

AMSAL 18:1

Intau inta tumontaní nongkon intau ibanea mangaḻenea in tongá morai kon awaknea tontaní; bayongan in tosingogon in intau bayowannea.

DONDONG MOḶANTUD 1:1

Dondong Moḷantud pinomia i Salomo.

YESAYA 10:2

Pinongin aid natua moiko in moḷamboi kon intau bogá mokouḻí kon hak bo koadilan, bo mogagow kon kapunyaan in boba-bobay mita bo uno-unon.

YESAYA 26:1

Kon dodai intua intau mopodondong in dondong tanaa kon butá in Yohuda “Totuu moroton in kotá naton; ki Allah tontaní in noposindog in benteng-Nea, kon naa mosaḷamat in kita.

YESAYA 30:29

Táe moiko, umat i Allah, in moḷungangabí in gina bo modondong naonda bo kon dodai in doḷom poramean kon agama. Moiko in totokbí in mopia in gina naonda bo intau mita inta minayá bo sinakinan in bansí mopobayá in Baḷoi Tuhan, mododuḷu in Israel.

YESAYA 5:1

Indongogaipa in dondongku soaḷ gobá in anggur in yobayatku. Yobayatku oyúon in gobá in anggur kon obaga in buḷud inta noḷumbá.

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

MATIUS 26:30

Nopaḷut mako, mosia nopodondong in dondong dodayow. Bo nopaḷut mako kon tua mosia in notakodon kon Buḷud in Zaitun.

LUKAS 2:51

Onda intua ki Yesus nobuidon kon Nazaret noyotakin monia bo umuran dinumudui kon parenta in guyanga-Nea. Bayongan inta ain nobaḻí umuran sinagú i Maria kon bonu in ginanea.

YOHANES 15:7

Aka moiko bo umuran motobatú takin-Ku bo totundú-Ku in umuran popotonop mako monimu kon gina, yo poigumdon kon i Amá kon onukabí in koibog monimu; dá onu in pinoigummu tua in ogoi-Neabí.

SURAT I PAULUS KON JAMAAT RUM 10:17

Intau mita in nobaḻí mopirisaya sin mosia ain nokodongog kon habar tatua, bo habar tatua in dinongog sin oyúon in intau nopotaau in habar soaḷ ki Kristus.

SURAT I PAULUS KON JAMAAT RUM 15:14

Utatku mita! Moyakinbí in akuoi kon totokbí in mobayong inta mopia in nion kon i monimu. Moiko nion in nonotaaubí doman kon bayongan in yagi-yagi bo mokomampubí doman mositongginaan.

KORINTUS 1 14:15

Dá onubí in musti aidanku? Tanaa in aidanku: Aka rohoku mosambayang yo akuoi in dumudui doman mosambayang kon bonu in raianku. Akuoi in modondong takin rohoku táe akuoi in moibog doman modondong takin raianku.

KORINTUS 1 14:26

Dá uḻe utat mita, onu in mangaḻe intua komintan? Aka moiko moyosipun sin mosumba kon i Tuhan, oyúon in modondong, oyúon in motundú, oyúon mopoyaput in habar nongkon i Allah, oyúon in mosingog kon bonu in bahasa inta mokoherang bo oyúon doman in moginsilang kon onu inta pinoguman in intau tatua. Táe tua komintan in mustibí aidan sin motundú kon ponompia kon i monia komintan.

EPESUS 1:17

Akuoi in mopoigum kon i Allah, inta ki Tuhan naton ki Yesus Kristus, ki Amá inta momulia totok, sinbá ogoian in Roho-Nea in moiko. Roho tatua in mopobaḻí kon i monimu mobijaksana bo poontong-Nea in ki Allah kon i monimu, sahingga in kotaauandon monimu in Sia.

EPESUS 5:17

Dika mokopobodok, táe tayakdon kopira mongo onu in kinoibog i Tuhan.

EPESUS 5:19

Pakédon in singog mita inta nongkon Mazmur, dondong inta pinodayow kon i Allah bo dondong rohani, kon wakutu in moiko moyosingog. Kosanang in gina bo mopodondong in dodayow kon i Tuhan.

EPESUS 5:26

Inaidan i Kristus intua sinbá motaau-Nea daritan in jamaat tatua takin totundú-Nea bo takin tubig inta pobaptis, sinbá motaaudon posarakan-Nea kon i Allah.

KOLOSE 1:28

Ki Kristusbí tatua inta pinotaau nami kon intau mita. Kami nomaké in kabijaksanaan bo pongotahuan in mononggina bo motundú kon i monia, sinbá pomuḷoi in intau motaau diaan kon i Allah saḷaku intau inta noguyangdon in pirisaya, sin mosia ain notobatú i Kristus.

KOLOSE 1:9

Manangka intua umurandon sambayangan nami in moiko naonda in kinodongogandon nami in habar soaḷ moiko. Kami in mopoigum kon i Allah sinbá moiko in mobijaksana bo mopandoi popisí in kawasa in Roho i Tuhan, sahingga in kotaauandon totok monimu onu in kinoibog i Allah.

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.

TESALONIKA 1 1:8

Sin nongkon imonimu, habar soaḷ ki Tuhan noisiardon dapot in Makedonia bo Akhaya. Deeman doman tongá kon tua; sin nodapotbí doman in habar kon naonda in kopopirisaya monimu kon i Allah noisiar domandon magí mako kon ḻipu-ḻipúannea, sahingga diá bidon in musti pogumanku kon i monimu.

TESALONIKA 1 4:18

Tuamai in pakédon in singog tanaa kon mosirigonan kon gina in tumpaḷa utat.

TESALONIKA 2 3:15

Tongá dikabí anggapon saturu in sia; táe tongginaai saḷaku utat.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.

TITUS 3:6

Ki Allah ain nobogoi in Roho-Nea kon i naton inta pinongin i Yesus Kristus Mopoposaḷamat naton,

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

YAKOBUS 5:13

Aka kon sigad monimu oyúon in kinoantugan in roriga, yo musti in sia mosambayang. Aka oyúon in moḷunganga, yo musti in sia modondong modayow kon i Allah.

YOHANES 1 2:14

Uḻe Adíku mita, akuoi in nomais kon naa kon i monimu, sin moiko in nonotaaudon kon i Amá. Pinaisku in naa kon i monimu amá mita, sin moiko in nonotaaudon kon i-Nia inta oyúondon nongkon pinomangkoianmai. Pinaisku in naa kon i monimu intau mita inta nongobagupa, sin moiko in moropot. Singog i Allah noitonop kon bonu in ginamu, bo sinaḷowdon monimu ki Inta Moraat.

YOHANES 1 2:24

Sin tuamai, habar inta ain dinongog monimu, wakutu in moiko bagupa nopirisaya, mustibí tagúon monimu kon bonu in gina. Sin aka habar inta ain dinongog monimu tua umuran kon gina-gina mako monimu, yo moiko in umuranbí mobiag motobatú takin i Adí bo i Amá.

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.

YOHANES 2 1:2

Sin ki Allah in umurandon nogutun kon bonu in gina naton, bo Sia in umuranbí doman kotaki-takin naton.

WAHYU 14:3

Mosia tua in nopodondong in dondong inta mobagu kon tayowon tampat pomomarentaan bo kon tayowon in mahaḷuk opat bo itoi mita. Diábí in tobatúmai intau mokobalajar kon dondong tatua, koḻikudbí in intau inta 144.000 inta ain pinobebas nongkon dunia naa.

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.