KOLOSE 3:11 - Alkitab Singog In Mongondow Masa In Tanaa

¹¹ Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

KOLOSE 3:11 Iomraidhean Croise

MAZMUR 117:2

Sin moḷobenbí in tabi Tuhan kon inaton kososatia-Nea in umuranbí mononoi. Dayowdon in ki Tuhan!

YESAYA 49:6

Ki Tuhan in noguman kon inakó, “Oaidan inta moḷobe-ḷoben in mogoḷat mako kon inimu, ei mogogundoi-Ku; iko in diábí tongá mopobui in ki agat in buí i Yakub bo mopoguḻit kon koḷoḷoben in suku mita in Israel, táe baḻíon-Ku doman bayag in bangusa mita, sinbá sinangkub in dunia posaḷamaton.”

YESAYA 52:10

Ki Tuhan in nopoontong in kawasa-Nea kon tayowon in mata in bayongan intau. Dá bayongan butá in mokoontongdon kon kasaḷamatan nongkon i Allah naton.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEHEZKIEL 47:22

bo butá tatua iko in kitogi modapot in mononoi. Intau mita ango-angoi inta nogutun notantú kon yua-yuakmu, bo kogadí kon adí mita inta pinononggadí kon tua, mustibí doman mokouḻí kon tonsilai nongkon butá tatua. Mosia in mustibí anggapon doman ná intau in Israel taakan, bo mosia in mustibí doman moitakin undion kon dodai in posilaian kon butá kon sigad in suku mita in Israel.

HOSEA 2:23

Pomiaan-Ku motompia in kobobiag in umat-Ku bo motantúdon in mosia in mogutun kon butá monia. Kon i monia inta sinangoi ‘Inta Diá Kinotabi’ poontong-Kubí kon mosia in kotabi-Ku, bo kon i monia inta sinangoi ‘Deeman Umat-Ku’ in tangoion-Kudon, ‘Moiko in Umat-Ku’. Mosia in motubagbí, ‘Ikobí in ki Allah nami.’ ”

AMOS 9:12

Intau in Israel in mongawasabí kon butá in Edom inta oyúonpa takin bayongan in bangusa inta dungkuḷmai kapunyaan-Ku. Akuoi ki Tuhan, ain nosingog bo Akuoi in mopobayábí intua.”

MIKHA 4:2

mosia komintan in mogumanbí, “Igai in kita motakod kon tombuḷud i Tuhan mayá in Baḷoi i Allah in Israel! Sia in motundúbí kon i naton onu in musti pomiaan naton. Kita in dumuduibí kon daḷan-Nea sin totundú i Tuhan in mamangoibí nongkon Yerusalem; nongkon Sion Sia in mosingog kon umat-Nea.”

ZAKHARIA 2:11

Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

YOHANES 15:5

Akuoibí in pangkoi in anggur, bo moiko in tanganea mita. Intau inta umuran motobatú takin-Ku bo Akuoi i motobatúnea, momungaibí in sia modatog, sin aka diá in Akuoi yo moiko in diábí mokopogaid kon onu bo onu.

YOHANES 17:23

Akuoi takin mosia, bo ki Amá takin Akuoi, sinbá mosia in totu-totuudon motobatú, sinbá kotaauandon in dunia naa kon ki Amábí in nopotabá kon i-Nakó bo ki Amábí in monotabi kon i monia ná tabi i Amá kon i-Nakó.

OUMAN IN RASUL MITA 15:17

sinbá onda intau in Yahudi inta diápa nopirisaya kon i Allah komintan motayak kon i Tuhan, takin bayongan in intau inta deeman intau in Yahudi inta aindon muna inoiní-Ku mobaḻí umat-Ku.’ Natua in kai Tuhan,

OUMAN IN RASUL MITA 28:2

Intau mita kon tua totok mongopia kon inami. Mosia in nonontuḷú kinoborambang bodongka inoiní monia in kami nonayang kon tua sin momangkoidon monguyan bo motumpingdon.

OUMAN IN RASUL MITA 28:4

Naonda intau mita kon pulau tatua nokoontong kon uḷag tatua noibambé mako kon ḻima i Paulus, mosia in nosingo-singogan, “Intau tanaa pasti kon moḷoḻimodbí, sin umpaka nosaḷamatdon in sia nongkon bahaya kon dagat, táe ki Dewi inta Moadil in diábí mopomayá mako kon inia mobiag.”

SURAT I PAULUS KON JAMAAT RUM 1:14

Sin tuabí in musti aidanku kon bayongan in bangusa: intau nomangarti andeka inta diápa nomangarti, inta nosikoḷa andeka inta diápa nosikoḷa.

SURAT I PAULUS KON JAMAAT RUM 10:12

Tua in pakéonbí kon bayongan intau, sin diábí in yoposinea kon intau in Yahudi bo bangusa mita ibanea. Sin ki Allah inta tobatú tua in Tuhanbí in bayongan in intau. Sia in mobogoibí in barakat mobayong kon bayongan in intau inta mokituḷung kon i-Nia.

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

SURAT I PAULUS KON JAMAAT RUM 3:29

Andeka degá ki Allah tua in tongábí ki Allah intau in Yahudi? Deemanbí Sia tua in ki Allah in bayongan intau? Totuu, Sia tua in ki Allahbí doman in bayongan intau!

KORINTUS 1 12:13

Natua doman in kita komintan, intau in Yahudi ande deeman, ata ande deeman; kita komintan ain bidon binaptis in Roho inta kotangoianmai naa, sinbá motobatúdon in kita kon awak i Kristus bo mokorasa doman kon Roho inta notongkai doman tatua.

KORINTUS 1 14:11

Táe aka diá komangaḻeanku in bahasa inta siningog in intau ibanea, yo intau tatua inanggapkubí diá nogogintaauan; natua doman in anggapannea kon inakó.

KORINTUS 1 7:19

Sin sinunat andeka diá, diábí moponting intua. Dumuduibí kon atorang mita i Allah in moponting.

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

EPESUS 1:23

Jamaat tua awakbí i Kristus, pinosompurna i Allah inta noposempurna in bayongan yagi-yagi kon ondaka.

EPESUS 2:14

Sin Siabí tua in pangkoi in dodamean naton. Sia in nopotobatú kon intau mita in Yahudi bo deeman Yahudi. Mosia in binaḻídon tobangusa. Dinding sosaturuan inta nopoyotondí kon i monia, irimumudon i Kristus takin cara nopomayádon mako in awak-Nea minatoi.

EPESUS 2:15

Hukum agama in Yahudi takin parenta bo atorangnea mita aindon pinopatan i Kristus, sinbá bangusa doyowa tatua in mobaḻídon tobangusa, bangusa in intau mobagu, inta motobatú takin-Nea. Tua in pinogogaid i Kristus nopoyodame.

EPESUS 3:17

Igumondon mako ki Kristus inta pinirisaya monimu in mogutundon kon bonu in gina monimu bo moiko in mobiag moidoyon kon bonu in tabi.

EPESUS 3:6

Naabí inta noibuni tatua: Pinongin Habar Mopia tatua, intau deeman Yahudi in moitakin domandon mokorasa kon barakat mita i Allah inta koḻipod tongá sinadia kon intau mita in Yahudi. Intau mita inta deeman Yahudi in nobaḻídon toawakan in awak inta tobatú tua, bo moitakin doman motarima kon onu inta pinodandi i Allah pinongin i Kristus Yesus.

EPESUS 6:8

Pokotoropdon, pomuḷoi in intau inta nobiag ata andeka intau inta nobebas, motarimabí kon tontuḻínea nongkon i Tuhan kon bayongan inta mopia inta ain inaidannea.

KOLOSE 2:10

Bo lantaran nobiag notobatú i Kristus, dá moiko in inogoiandon in kobiagan. Sin ki Kristus in tongguḷu in bayongan roho inta nongawasa bo inta nomarenta.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.

YOHANES 2 1:9

Intau inta diá kinumadai kon onu inta ain sinundú i Kristus, nodapotbí in sinumabat kon onu inta ain sinundú i Kristus, yo ki Allah in diábí kon bonu in gina intau tatua. Táe intau inta umuran kinumadai kon onu inta sinundú i Kristus, yo sia tua in umuran doman nopirisaya kon i Amá andeka kon i Adí-Nea.