KOLOSE 3:1 - Alkitab Singog In Mongondow Masa In Tanaa

¹ Moiko ain bidon biniag bui noyotakin i Kristus. Tuamai poramujidon in moiko mokouḻí kon soaḷ mita inta kon soroga, kon tampat kon onda in ki Kristus nomarenta noyotakin i Allah.

KOLOSE 3:1 Iomraidhean Croise

MAZMUR 110:1

Mazmur i Daud. Ki Tuhan in noguman kon i tuangku, “Ḻitúdon kon dotá in koḷanan-Ku, modapot in musungmu mita potungkudon-Ku kon inimu.”

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

AMSAL 15:24

Intau mobijaksana dumudui kon daḷan monakod inta mopobayá in kobiagan; deemanbí daḷan mosiḻig inta mopobayá in popatoi.

MOHOHUTUBA 10:2

Patusbí in aka intau moarip mogaid kon inta mopia, bo intau bodok mogaid kon inta moraat.

MATIUS 22:44

‘Ki Tuhan aindon nobogoi in Pirman-Nea kon i Tuangku: ḻitúdon kon dotá in koḷanan-Ku, modapot in bayongan saturumu daiton-Ku potungkud kon tayowon-Mu.’

MATIUS 26:64

Ki Yesus nogabat, “Natuata in gumanmu. Táe pirisayadon: pinangkoidon kon tanaa mako, moiko in mokoontong kon i Adí Intau in ḻimitú kon dotá in koḷanan i Inta Totok in Mokawasa bo mamangoi mongin ḻimonik in goḷom mita kon ḷangit!”

MATIUS 6:20

Manangka, intua posipundon maní kon kapunyaan kon soroga, sin kon soroga diábí in sisik bo kaḻiotá inta momoguyaat, ná doman tua, kon tua diábí in mononakow inta mamangoi momulingkar poḷat monakow.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

MARKUS 12:36

Bokaka ki Daud tontaní kon dodai in kinawasa in Roho i Allah – noguman, ‘Ki Tuhan nogumandon kon i Tuhanku: ḻitúdon kon dotá in koḷanan-Ku modapot in potungkud-Ku in bayongan saturu-Mu.’

MARKUS 14:62

Tubag i Yesus, “Akuoi in Sia tua, bo moiko komintan in mokoontongbí kon i Adí Intau ḻimitú kon dotá in koḷanan i Allah Inta Totok in mokawasa bo mamangoi mongin goḷom kon ḷangit!”

MARKUS 16:19

Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.

LUKAS 12:33

Potaḷuidon in bayongan kapunyaanmu bo ogoi kon intau mita bogá. Bo pogaid kon pototaguan kon kapunyaanmu inta diá mogogu-goguyaat, tuata in tobatú kapunyaan inta mononoi, diá koyaputan in mononakow bo inta diá kopoguyaatan in sisik.

LUKAS 20:42

Bokaka ki Daud tontaní ain nomais kon bonu in buk Mazmurnea nanaa, ‘Ki Tuhan aindon noguman kon i Tuangku: Ḻitúdon kon dotá in koḷanan-Ku,

LUKAS 22:69

Táe bá poguman-Kudon kon i monimu, kon tanaa mako, ki Adí Intau in ḻimitú bidon mako kon dotá in koḷanan i Allah Inta Mokawasa.”

OUMAN IN RASUL MITA 2:34

Ki Daud tontaní in diábí namonik in soroga, táe sia in nosingog nanaa, ‘Ki Tuhan in noguman kon i Tuhanku:

OUMAN IN RASUL MITA 7:55

Táe ki Stepanus inta kinawasa in Roho i Allah tatua, iḷumangag kon ḷangit bo inontongnea in kamuliaan i Allah bo ki Yesus in sinimindog kon dotá in koḷanan i Allah.

SURAT I PAULUS KON JAMAAT RUM 8:34

Oyúon degá in intau moibog mopotaḷá kon i naton? Bain ki Kristus in mobela kon i naton! Siabí tua inta ain minatoi, táe Siabí doman tua inta ain biniag bui nongkon kinopatoian bo kon tampatdon i Allah inta mokawasa.

SURAT I PAULUS KON JAMAAT RUM 8:6

Aka raian monimu kinawasa in ibog in awak naa, dá popatoibí in mouḻí. Táe aka raianmu bo kinawasa in ibog in Roho i Allah dá mouḻímubí in kobiagan bo iko mobiag motompia takin i Allah.

KORINTUS 2 4:18

Kami in diábí monarukiramai kon onu inta koontongan. Sin inta koontongan tua in diábí mononoi, táe aka inta diá koontongan yo tuabí in mononoi.

EPESUS 4:10

Bo Sia inta ain noponag tua, Sia doman tua inta ain noponik nodapot in tampat inta moḷantu-ḷantud nongkon ḷangit sahingga kon ondakabí in Sia oyúonbí kon dunia naa.

EPESUS 5:22

Buḷoi, bobay in kotoinduduidon kon i buḷoimu, ná kototoinduduimu kon i Tuhan.

KOLOSE 2:20

Moiko ain minatoi noyotakin i Kristus, bo ain pinobebas nongkon roho mita inta nongawasa kon dunia naa. Dá nongonu sin moiko in nobiagbí ná intau inta kinawasaanpa in dunia naa? Nongonu sin moiko in dumuduipabí kon atorang mita ná tanaa:

KOLOSE 3:2

Raidon in soaḷ mita inta kon soroga, donaai morai kon soaḷ mita inta kon dunia.

IBRANI 1:13

Diábí kon dodai in onda ki Allah in noguman kon malaekat mita: “Ḻitúdon kon dotá in koḷanan-Ku, dapot in bayongan saturu-Mu potungkudon-Ku kon tayowon-Mu.”

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

IBRANI 10:12

Táe ki Kristus in tongábí komintan noposumba in kuruban potobut kon dosa, bo kuruban tatua in umuranbí pakéon modapotkabí in kopaḷutan dunia naa. Naonda in nopaḷut mako noposumba in kuruban tatua, ki Kristus in iḻimitú kon dotá in koḷanan i Allah bo nomarenta noyotakin-Nea.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

IBRANI 8:1

Naabí in pangkoi totok onu in inouman naton: Oyúondon in Imang Moḷoben naton ná tatua inta iḻimitú nomarenta noyotakin i Allah inta totok Momulia kon soroga.

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.