KOLOSE 1:28 - Alkitab Singog In Mongondow Masa In Tanaa

²⁸ Ki Kristusbí tatua inta pinotaau nami kon intau mita. Kami nomaké in kabijaksanaan bo pongotahuan in mononggina bo motundú kon i monia, sinbá pomuḷoi in intau motaau diaan kon i Allah saḷaku intau inta noguyangdon in pirisaya, sin mosia ain notobatú i Kristus.

KOLOSE 1:28 Iomraidhean Croise

YEREMIA 3:15

Akuoi in mobogoibí kon inimu in itoi mita inta motoindudui kon i-Nakó. Mosia in mobaḻí itoi monimu takin bijaksana bo momangaḻe kon i monimu.

EPESUS 5:27

Mangaḻenea kon tua, ki Kristus in noposadia in jamaat kinotompia kon tayowon i Allah, takin diá in gaatnea andeka inta motaau hojatan in intau ibanea.

MATIUS 5:48

Manangka intua moiko in musti mogaid kon inta totok in mopia ná ki Amámu inta kon soroga ain nogaid kon inta totok in mopia.”

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

KORINTUS 1 2:6

Umpaka, natua yo umuranbí doman oumanon in soaḷ kabijaksanaan i Allah kon sigad in intau mita inta totu-totuudon nopirisaya. Táe deemanbí kabijaksanaan in dunia, andeka kabijaksanaan pongawasa mita masa in tanaa, inta kawasanea in moinggamábí.

KOLOSE 1:22

Táe tanaa, pinodoyon kon kinopatoian i Adí-Nea, sinompiadon bui i Allah in hubungan monimu takin-Nea. Natua in pinogogaid-Nea sinbá moiko in motaau diaan tumayow kon i Allah takin kaadaan mokudus, modarit bo diá in aid moraat.

KORINTUS 2 11:2

Akuoi in mokotanob kon i monimu, naonda bo kototanob i Allah kon i monimu. Moiko nion in naonda bo mongodeaga inta ain pinodandiku kon nikaan in tobatú ḷoḷaki, ḷoḷaki tatua in ki Kristus.

KORINTUS 2 4:5

Sin habar inta pinoyaput nami tua in deemanbí habar soaḷ oaidan nami tontaní. Táe habarbí soaḷ ki Yesus Kristus inta Tuhan; bo kami naa in tongábí simpaḷmu mita popisí in ibog i Tuhan.

OUMAN IN RASUL MITA 20:31

Tuamai umuran kiḷuka-ḷukadmai bo toropdon saḷaḷu kon akuoi in toḷu notaong, doḷom bo singgai in diábí dodai onda in nogogai nononggina kon i monimu komintan takin koomba-ombaḷ doman.

OUMAN IN RASUL MITA 8:35

Dá nomangkoidon in ki Pilipus nosingog; tontagá mita tatua in pinakénea nomangkoi nopotaau in Habar Mopia soaḷ ki Yesus kon intau in Etiopia tatua.

IBRANI 10:14

Dá kuruban tobatú tatua inta inaidan i Kristus noposompurnadon kon intau mita inta ain dinaritan nongkon dosa.

TIMOTIUS 1 3:2

Tuamai intau inta mobaḻí itoi kon jamaat in mustibí intau inta motuḻid in gina, tongá tobatú in ki buḷoinea, mokokawasa kon ibog in gina, mobijaksana, mopia in oaid, moibog motuḷung kon bayongan in intau bo motaau motundú kon inta mopia kon intau ibanea;

KOLOSE 2:10

Bo lantaran nobiag notobatú i Kristus, dá moiko in inogoiandon in kobiagan. Sin ki Kristus in tongguḷu in bayongan roho inta nongawasa bo inta nomarenta.

KORINTUS 1 12:8

Oyúon intau in nokouḻí kon totabi mosingog kon inta mopia, oyúon doman in nokouḻí kon totabi motundú kon soaḷ ki Allah.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

KORINTUS 2 10:14

Sin wakutu in kami namangoi kon i monimu, bo nopotaau in Habar Mopia i Kristus, kami in diábí iḻimimpat kon sigad inta ain sinantú pogaidan nami.

KORINTUS 1 15:12

Aka kami ain nopotaau kon i monimu kon ki Kristus ain biniag nongkon sigad in intau minatoi, yo nongonu sin oyúonpabí doman in kon sigad monimu in moguman kon diábí in kobiagan bui kon sigad in intau minatoi?

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

KORINTUS 1 2:15

Intau inta mopirisaya kon i Allah in motaaubí monilai kon yagi-yagi, táe diábí in tobatúmai intau motaau monilai kon inia tontaní.

KORINTUS 1 1:23

Kami naa in tongábí mopoyaput in habar soaḷ ki Kristus inta minatoi pinopopakú kon kayu pinoyotaḻempang. Habar tatua in nokotersinggung kon intau mita in Yahudi, dá inanggap monia diá totuu in habar tatua.

SURAT I PAULUS KON JAMAAT RUM 16:25

Dinayo-dayowdon in ki Allah! Sia in mongawasa moginrigon kon pirisaya monimu podudui in Habar Mopia nongkon i Allah inta pinotaauku soaḷ ki Yesus Kristus. Habar inta pinotaauku tua in notongkai in onu inta pinoontong i Allah kon inakó; tuata in soaḷ tomayá i Allah inta noonggotdon totok in kinotaauan intau.

OUMAN IN RASUL MITA 17:3

Buk Motusi tatua in binaḻínea dodoyonan noginsilang bo noponiata kon ki Datu Mopoposaḷamat inta pinodandi i Allah tua in mustibí motarima kon roriga, matoi táe bui mobiag. Ki Paulus in noguman doman nanaa, “Ki Yesus inta potaauku kon i monimu naa, Sia tuata in ki Datu Mopoposaḷamat inta pinodandi i Allah.”

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

OUMAN IN RASUL MITA 9:20

Ki Saulus in nogutunpa kon Damsyik tongonumai nosinggai noyotakin in dumodudui mita i Yesus kon tua.

OUMAN IN RASUL MITA 8:5

Ki Pilipus minayá in tobatú kotá kon Samaria bo nopotaau in soaḷ Datu Mopoposaḷamat inta pinodandi i Allah kon bayongan intau kon tua.

OUMAN IN RASUL MITA 5:42

Bo pomuḷoi in singgai mosia umuran mayá in Baḷoi Tuhan bo mayá doman in baḷo-baḷoiannea mopoyaput in habar kon ki Yesus tua in Datubí Mopoposaḷamat.

OUMAN IN RASUL MITA 3:20

Bo bá ogoian i Tuhan in kasanangan in moiko, bo potabá-Nea in ki Yesus mamangoi kon i monimu, sin nongkon pinomangkoianpabímai, Siabí tua inta sinantú i Allah moposaḷamat kon i monimu.

MARKUS 6:34

Naonda in tubu monia, nobayong totok in intau inontong i Yesus kon tua. Dá totokdon inangoian tabi in Sia kon i monia, sin mosia tua naonda bo domba inta diá kogombala. Bo nomangkoidon in Sia nopoyaput in totundú kon i monia kon mobayong in soaḷ.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

YEREMIA 6:10

Akuoi in notubag, “Tuhan, ki ine in posingoganku, bo ki ine in ogoianku in tompoingat? Mosia in pamandot bo doí monaridi. Kosingan monia bo kodoí monia in koyow-Mu inta pinotaauku kon i monia.

MOHOHUTUBA 12:9

Ki Inta Momomikir tua in moarip bo mobijaksana. Tuamai in sinundúnea kon umat in bayongan pongotahuannea. Mobayong in amsal in binalajarnea bodongka tungkuḷannea mongo totuu.

AMSAL 8:5

Moiko inta diápa kopongalaman, pobalajar kon raian inta mopandoi; moiko inta moraat, pobalajardon momangaḻe.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

PETRUS 2 3:15

Baḻíbí in kososabar i Tuhan naton tua in tobatú kasampatan inta inogoi-Nea kon i naton sinbá kita komintan in posaḷamaton-Nea. Soaḷ tanaa ain pinais doman i Paulus ki utat naton kon i monimu. Tua in pinaisnea lantaran kabijaksanaan i Allah inta inogoi kon inia.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.

KORINTUS 1 4:14

Akuoi in nomais kon naa deemanbí makusud mokopooyámai kon i monimu, táe monongginabí kon i monimu saḷaku ki adíku mita.

OUMAN IN RASUL MITA 13:38

Tuamai utatku mita, mustidon kotaauan monimu kon pinongin i Yesusbí tuata habar soaḷ pongampungan kon dosa pinotaau kon i monimu; musti kotaauan monimu kon pomuḷoi in intau inta mopirisaya kon i-Nia, pinilatandon nongkon dosa mita inta diábí motaau tongá popatan pongin bayongan in parenta mita i Allah inta pinoyaput i Musa.

OUMAN IN RASUL MITA 11:20

Táe kon sigad in intau mita inta mopirisaya tatua, inta nongkon Siprus bo Kirene, oyúon doman in minayá kon Antiokhia bo nopoyaput in Habar Mopia kon bayongan intau inta deeman agama Yahudi doman.

YEHEZKIEL 7:10

Singgai koboditoan in bangusa in Israel in noiangoidon. Aid motogat in mongawasa. Koḷoḷatúan in motompodon.

OUMAN IN RASUL MITA 17:18

Guru mita nongkon golongan in Epikuros bo Stoa nobobayowanmai takinnea. Oyúon kon sigad monia tua in nosingog nanaa, “Eta onubí in kotaauan in intau mita tanion? Mosia nion in dondunguḷbí mita, táe moantó in ouman!” Bo ibanea in moguman doman, “Sia nion ná bí mopotaau in dewa ibanea.” Tua mita in singog monia sin ki Paulus nopotaau in habar soaḷ ki Yesus kon i monia bo soaḷ doman kobiagan naonda in matoi.

EZRA 7:25

Ki Utat ki Ezra, pakédon in pandoi inta ain inogoi i Allah kon i Utat, bo duídon in itoi mita bo hakim mita sin momarenta kon bayongan in intau kon propinsi Eprat Toyopan inta nobiag podudui in Hukum i Allah i Utat. Ki Utat in mustibí motundú kon Hukum tatua kon bayongan in intau inta diápa nonotaau kon tua.

KOLOSE 2:3

Ki Kristusbí tua in mobuká kon bayongan pandoi bo pongotahuan i Allah inta koḻipod noibunipa.

KOLOSE 4:12

Salam doman nongkon i Epapras. Sia naa intau doman nongkon sigad monimu. Mosia naa in mogogaid doman kon oaidan i Kristus inta umuran mosatia in mosambayang sin kopontingan monimu. Sia totok in mopoigum kon i Allah sinbá mobaḻídon moropot in koyakinan monimu, bo totu-totuudon moguyang in moiko sinbá totu-totuu domandon dumudui kon ibog i Allah.