KINOBAḺIAN 9:4 - Alkitab Singog In Mongondow Masa In Tanaa

⁴ Inta diá motaau kaanonmu in tongábí tapú inta oyúonpa in dugúnea, sin nyawa tua in kon bonubí in dugú.

KINOBAḺIAN 9:4 Iomraidhean Croise

YEHEZKIEL 33:25

Tuamai in ki Tuhan Inta Totok in moḷantud in nopotabá kon inakó nopotaau in koyow-Nea tanaa kon i monia, “Moiko in nokaan kon ponoyá inta oyúonpa in dugúnea; moiko in nosumba kon berhala bo noḻimod. Mokobaḻíbí totok in moiko in mongaku kon butá tanaa moiko in kitogi.

IMAMAT 19:26

Dika mokaan kon dugú. Dika momaké in totaau mita pongonggaing.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

IMAMAT 7:26

Intau Israel, kon ondaka in pinogutunannea, diábí motaau in mokaan kon dugú in ḷagapan ande dugú in mahaḷuk ibanea.

OUMAN IN RASUL MITA 15:20

Táe kita in momaisdon kon surat bo mononggina kon i monia, sinbá donaai in mokaan kon kaanon inta ain pinosumba kon dewa, andeka mokaan kon tapú in mahaḷuk inta sinagangan, andeka mokaan kon dugúnea. Bo bá umuran mokopoyayú in mosia kon oaid mita inta mokotor.

OUMAN IN RASUL MITA 15:25

Tuamai in kami notobatúdon kon gina bo nomiḻí poḷat nopotabá in tongonumai in intau mamangoi kon i monimu moyotakin i Barnabas bo i Paulus inta kino tabi nami.

OUMAN IN RASUL MITA 15:29

dika mokaan kon kaanon inta aindon pinosumba kon dewa; dika mokaan kon dugú, dika mokaan kon tapú in mahaḷuk inta minatoi sinagangan, bo poyayúdon in oaid inta mokotor. Aka aidandon monimu intua komintan, yo mangaḻenea moiko aindon nogaid kon inta mopia. Natuapa, saḷamat!”

ULANGAN 12:16

Tongá dugúnea in diábí motaau kaanon, táe musti popobutak kon butá ná tubig.

ULANGAN 12:23

Táe ponoyá inta oyúonpa in dugúnea diábí motaau in kaanon, sin nyawanea in kon bonubí in dugú, bo moiko in diábí motaau mokaan kon nyawa takin tapúnea.

ULANGAN 14:21

Mahaḷuk inta minatoi mako naníon diábí motaau in kaanon monimu, táe motaaubí in kaanon in intau mita ango-angoi inta nogutun kon yua-yuak monimu, ande potaḷui kon bangusa ibanea. Moiko nion in umat inta ain piniḻí kon i Tuhan Allahmu. Tapú in adí in domba ande adí in bembé diábí motaau in poyodungúon takin tubig in teté i indenea.”

ULANGAN 15:23

Dugúnea in diábí motaau kaanon, táe musti popobutak kon butá ná tubig.”

TIMOTIUS 1 4:4

Bayongan inta pinomia i Allah tua in mopiabí, bo diábí tobatúmai in motaau anggapon haram aka tua komintan tarimaan naton takin mopoyaput in sukur kon i Allah.

SAMUEL 1 14:32

dá nogogagowandon in mosia in nogamá kon onu inta inagow nongkon musung; mosia in nogamá kon domba bo sapi bodongka iratá monia kon tua doman, bo bayá-bayádon nokaan kon ponoyá inta oyúonpa in dugúnea.