KINOBAḺIAN 9:26 - Alkitab Singog In Mongondow Masa In Tanaa

²⁶ Dinayo-dayowdon Tuhan, ki Allah i Sem! Kanaan in mobaḻí ata i Sem.

KINOBAḺIAN 9:26 Iomraidhean Croise

KINOBAḺIAN 14:20

Dinayo-dayowdon in ki Allah Inta Totok in Moḷantud, inta ain nobogoi kon inimu in ropot dapot in nokountung nonayow kon musungmu.” Nopaḷut mako kon tua ki Abram nobogoi kon i Melkisedek in mopuḷú noporsen nongkon bayongan barang inta inagownea kon parang tatua inta ain dinianea mangoi.

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

KINOBAḺIAN 27:29

Poigumon mako bangusa mita in mobaḻí bobantungmu, bo suku mita in bangusa tumungkud kon tayowonmu. Poigumon mako iko in mongawasa kon bayongan ginaḷum motoḷuadímu, bo buí i inámu in tumungkud kon tayowonmu. Poigumon mako katuḷaan in intau mita inta mogodi-godimai kon inimu bo barakatan in intau mita inta momarakat kon inimu.”

KINOBAḺIAN 27:37

Ki Ishak in notubag, “Sia ain binaḻíku ki tuangmu, bo bayongan ginaḷum motoḷuadínea binaḻíkudon bobantungnea. Akuoi ain nobogoi kon inia in gandum bo anggur. Tanaa diá bidon onu bo onu in motaauku aidan kon inimu, Uḻe!”

KINOBAḺIAN 27:40

Iko in mobiagdon nongkon pogaidanmu, táe mobaḻí bobantung i ai-aimu, táe aka iko momarontak, yo iko in moipilatdon nongkon kawasanea.”

MAZMUR 144:15

Pia in kamang in bangusa inta natua, pia in kamang in umat inta ki Allahnea in ki Tuhan!

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

YOSUA 9:23

Popisí in moiko ain nomia kon natua, ki Allah in mohukum kon i monimu. Bangusamu in umuranbí mobaḻí ata, mononiai kon kayu bo mononangkob kon tubig pakéon kon Baḷoi i Allahku.”

HAKIM MITA 1:28

Totuu kon naonda in intau in Israel nodugangdon noropot, mosia in nomakisa kon intau mita in Kanaan nogaid kon oaidan monia, táe diábí doman pinoguntun monia in intau mita in Kanaan tatua nongkon tua.