KINOBAḺIAN 9:23 - Alkitab Singog In Mongondow Masa In Tanaa

²³ Onda intua ki Sem bo ki Yapet in nogamá kon tobatú jubah bo sinongká monia kon obaga monia. Mosia in minayá takin inumundok sinumuot kon ḷoḷaigan tatua bodongka nopodaing in jubah tatua kon i amá monia. Mosia in nobobui kon tampat ibanea sinbá diá mokoontong kon i amá monia inta nopilang tatua.

KINOBAḺIAN 9:23 Iomraidhean Croise

KINOBAḺIAN 9:22

Naonda in ki Ham, inta ki amá in Kanaan, nokoontong kon ki amánea nomilang, sia in iḻumuai bo nopotaau intua kon i utatnea doyowa.

KINOBAḺIAN 9:24

Naonda in ki Nuh nosadar nongkon ḷoḷangunea bo nonotaaudon kon onu inta pinomia i adínea muit tatua kon inia,

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

IMAMAT 19:32

Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.

SURAT I PAULUS KON JAMAAT RUM 13:7

Dá uboḻiaidon kon pomarenta onu in musti uboḻianmu kon inia. Uboḻiai in pajak, aka mustibí in iko moguboḻi kon pajak; bo uboḻiaidon in bea, aka mustibí uboḻianmu intua. Hargaaibí in mosia inta patus hargaan, bo horomatbí i mosia inta musti horomaton.

GALATIA 6:1

Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.

TIMOTIUS 1 5:1

Dika daḻin-daḻíonmu in tumorú kon i monia inta umur monia noiḻiudon kon i naton, táe diugaibí in sia bo mongonguman naonda bo mongonguman takin in guyangamu tontaní. Ná doman tua in mosia inta nongoguodpa, tongginaaibí in mosia ná ki utatmu tontaní.

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.

TIMOTIUS 1 5:19

Donaaibí tongá tarimaanmu mako natua in onu in pinonapud kon tobatú itoi in jamaat, táe mustibí oyúon in doyowa ande toḷu in intau inta nokoontong tontaní in mobogoi in kosakusian kon pelekara inta pinonapud kon inia tua.

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.

PETRUS 1 4:8

Tongá soaḷ tanaa inta totok in moponting, moiko in musti totu-totuu mositabian tobatú bo tobatú, sin aka moiko bo mositabian dá mangaḻenea kon tua moiko in moibog doman mosiampungan.