KINOBAḺIAN 9:20 - Alkitab Singog In Mongondow Masa In Tanaa

²⁰ Ki Nuh naa monononggobá, bo sia tuata inta muna-munamai nogaid kon gobá in anggur.

KINOBAḺIAN 9:20 Iomraidhean Croise

KINOBAḺIAN 3:23

Dá ki Tuhan Allah in nopoguntun kon i monia nongkon taman Eden bo nopotabá moramuji mogaid nongkon butá inta pinomiaan kon inia tontaní.

KINOBAḺIAN 4:2

Bo ki Hawa in bui nopononggadí in adí ḷoḷaki tobatú, tangoinea in ki Habel. Ki Habel in nobaḻí gombala in domba, táe ki Kain nobaḻí monononggobá.

KINOBAḺIAN 5:29

Ki Lamekh in noguman, “Adí tanaa mokogaat kon saged naton kon dodai in kita rumoriga in mogaid mononggobá kon butá inta kinutuk i Tuhan.” Tuamai sinangoian i Lamekh in adí tatua ki Nuh.

KINOBAḺIAN 9:19

Ki adí i Nuh toḷu tatua nobaḻí mogoguyang in bayongan intau kon dunia naa.

KINOBAḺIAN 9:21

Naonda in ki Nuh nonginum kon anggurnea, sia in noḷoḷangu. Iḷongkutnea in bayongan pakeangnea bo nosiug in sia nomilang kon bonu in ḷoḷaigannea.

AMSAL 10:11

Pososingog in intau mopia mokopoangoi kon kobiagan mopia, táe kon tosingogon mita in intau moraat noibuni in gina inta moromú.

AMSAL 12:11

Monononggobá inta simiḷopí in mogaid mobayong in kaanon, táe intau inta tongá mokopodait kon wakutu kon inta diá baraguna in intaubí bodok.

AMSAL 24:30

Nokoimontandon in akuoi in nongin gobá in intau maḷat bo gobá in anggur in intau pompuḷong.

MOHOHUTUBA 5:9

Intau inta moibo-ibog in doit, diábí kon dodai in onda in mokorasa kon tugat in doitnea; intau inta motoboḷok, diábí mokoimontanmai in moorop in kauntungannea. Tua komintan in diábí in mangaḻenea.

DONDONG MOḶANTUD 1:6

Dika indoianmai in kuḻitku inta morondí, popisí in akuoi nopokak in mata in singgai. Ki guya-guyangku mita sinumorú kon inakó, bo nopotabá kon inakó mogaid kon gobá in anggur; diádon in wakutuku monompiamai kon awakku.

KORINTUS 1 9:7

Diábí in tontara in mayá moparang bo umongkos tontaní! Bo diábí doman in monononggobá inta nomuḷa kon anggur táe diá mosipú kon bungainea! Bo diábí doman in intau inta nomiag kon domba bo diá monginum kon susu nongkon domba inta piniaranea tatua!

ULANGAN 20:6

Oyúon degá in kon sigad monimu in bagu nomuḷa kon anggurnea bo diápa nokoposipú kon bungai mita in anggurnea? Aka oyúon, yo motaaubí in sia mobui. Sin aka sia koḻimodan kon parang, yo intaudon ibanea in monginum kon tubig in anggurnea.

ULANGAN 28:30

Aka moiko diá motoindudui kon i Tuhan Allahmu, tanaa mita in moiuma kon inimu: Moiko in mongantangbí, táe intaubí ibanea in mobuḷoi kon i kantangmu. Moiko in moposindogbí in baḷoi, táe diábí utunanmu intua. Moiko in momuḷabí kon gobá in anggurmu táe diábí moikaan kon bungainea mita.