KINOBAḺIAN 9:15 - Alkitab Singog In Mongondow Masa In Tanaa

¹⁵ yo kotoropan-Ku in dandi-Ku kon i monimu bo kon bayongan mahaḷuk inta nobiag, kon ḷunud moḷoben in diá bidon bui moyopú kon bayongan inta nobiag.

KINOBAḺIAN 9:15 Iomraidhean Croise

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

KINOBAḺIAN 9:10

bo takin bayongan in mahaḷuk inta nobiag, tuata in ḷagapan mita bo bayongan mahaḷuk kon toba, mangaḻenea in bayongan inta iḻumuai nongkon uangga moḷoben noyotakin monimu.

KINOBAḺIAN 9:11

Naadon in dodandian-Ku takin i monimu: Akuoi in modandi kon bayongan in mahaḷuk inta nobiag diá bidon yopúon-Ku takin mopoangoi in ḷunud moḷoben. Diá bidon poangoi bui in ḷunud moḷoben inta mokoyopú kon dunia naa.

KINOBAḺIAN 9:14

Aka kon singgai moiduduimai bo poangoi-Ku in goḷom kon dunia naa, bo koontongan in aḻibobag tatua,

DATU MITA IMITÁNEA 8:23

bodongka nosambayang, “Tuhan, Allah in Israel! Kon ḷangit andeka kon butá diábí in ná Iko! Iko in nogintotuu kon dandi-Mu bo nopoontong in tabi-Mu kon umat-Mu inta mosatia bo motoindudui takin ḻimbatú in gina kon ini-Mu.

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

MAZMUR 106:45

Popisí in mosia dá kinotoropan-Nea in dandi-Nea bo nonotabidon kon i monia popisí in tabi-Nea inta moḷoben.

YEREMIA 14:21

Toropdon in dandi-Mu, dika kaasí poompáan-Mumai in kami; dodandian-Mu takin inami dikabí inggamáan-Mu. Yerusalem in tampat pomomarentaan-Mu inta momulia, dika kaasí poompáan-Mumai.

YEHEZKIEL 16:60

Táe toropon-Kubí in dodandian inta ain pinomia-Ku takinmu kon dodai in noguodpa in iko bo nomia kon dodandian takinmu inta pakéon modapot in mononoi.

LUKAS 1:72

Sin mopoontong in totabi-Nea kon i mogoguyang naton podudui in dandi-Nea. Sin dandi-Nea tua in umuranbí kinotoropan-Nea.

ULANGAN 7:9

Pokotorop kon ki Tuhan Allahmu in tongábí Sia-Sia mita in ki Allah, bo Sia in Allah inta mosatia. Ki Tuhan nogintompod kon dandi-Nea bo noponiata in tabi-Nea inta diá modai-dait modapot in toribu nopobuían kon intau mita inta motabi kon i-Nia bo motoindudui kon parenta-nea mita.