KINOBAḺIAN 8:21 - Alkitab Singog In Mongondow Masa In Tanaa

²¹ Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

KINOBAḺIAN 8:21 Iomraidhean Croise

KINOBAḺIAN 3:17

Bo ki Tuhan in noguman kon ḷoḷaki tatua, “Iko ain nokidongog kon tosingogon i buḷoimu bo nokaan kon bungai in kayu inta diá inogoi-Ku kaanonmu. Pinopisí in oaidmu tatua, dá kinutukdon in butá. Iko in musti mokoporajing in mogaid kon bonu in kobiaganmu sinbá butá mobogoipa in boyó inta tugat pakéon monimu.

KINOBAḺIAN 4:12

Aka iko monompinomuḷa, butá in diábí mopoḷuai bungai in boyó. Iko in mobaḻídon intau inta tongá tantú maya-mayá mako, diá motantú kon tampat bo diá in pogutunan kon dunia naa.”

KINOBAḺIAN 5:29

Ki Lamekh in noguman, “Adí tanaa mokogaat kon saged naton kon dodai in kita rumoriga in mogaid mononggobá kon butá inta kinutuk i Tuhan.” Tuamai sinangoian i Lamekh in adí tatua ki Nuh.

KINOBAḺIAN 6:13

Bo ki Allah in noguman kon i Nuh, “Sinimpod-Kudon in singog kon daiton-Kudon paḷuton kobiagan in bayongan mahaḷuk. Yopúon-Kudon in mosia takin butá naa, sin butá naa nopuḻingdon in oaid monia inta moromú.

KINOBAḺIAN 6:17

Poangoi-Ku in ḷunud moḷoben sin poyopú kon bayongan in mahaḷuk inta nobiag kon dunia naa. Bayongan yagi-yagi kon dunia naa modaitbí matoi,

KINOBAḺIAN 6:5

Inontong i Tuhan kon totokdon moraat in intau mita kon dunia naa; bayongan in raian monia umurandon moraat.

KINOBAḺIAN 6:7

dapot in Sia noguman, “Yopúon-Kudon in intau inta ain pinomia-Ku tua, bo takin doman bayongan in ḷagapan bo mahaḷuk mita ibanea, sin Akuoi in nomanasaḷdon ain nopomia kon i monia.”

AYUB 14:4

Motaau degá in intau baradosa mokopoangoi kon inta motompod?

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

MAZMUR 58:3

Diá, moiko in nonomayá kon moraat, bo nopoaid kon inta mobogat kon butá tanaa.

MAZMUR 58:4

Intau moraat ain noiḷaḻe pinangkoipamai kon bonu in bobuḷadían mosia in nongakaḷdon pinangkoipamai kon pinononggadí.

IḶUAIAN 29:18

Poposumbadon in bayongan domba koḷakian tatua kon tudu in mezbah mobaḻí kuruban inta sinubá. Rongingi in kuruban tatua mokosanang kon gina-Ku.

IḶUAIAN 29:25

Bo gamádon in roti nongkon i monia bo tubádon kon tudu in mezbah, kon tudu in kuruban inta sinubá tatua. Rongingi in kuruban tatua mokosanang kon gina-Ku.

AMSAL 20:9

Oyúon degá in intau inta motaau mosingog, “Ginaku in modarit, akuoi in noiḷuatdon kon dosa?”

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

YESAYA 47:12

Tantúdon aidai in sinotaaumu bo sihirmu, inta mokororiga kon inimu nongkon mongoadíanpamai. Dika-dika tua in baraguna kon inimu, mopogogondok kon musungmu mita.

YESAYA 47:15

Tuata in mangaḻenea in mononoḻindap kon inimu inta mokopororigamai kon inimu nongkon mointokanpamai; kon batúannea mayá monaḷámai kon inimu; diábí in mamangoi motuḷung kon inimu.”

YESAYA 48:8

Kinotaauan-Ku kon iko in diábí motaau pirisayaan, nongkon dungkuḷpabímai kinotaauandon in iko kon moraat. Tuamai in diá kinotaauan, diá tobatúmai in tosingogon in modapot kon bongoḷanmu.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YESAYA 65:6

Hukuman monia in noipaisdon kon tayowon-Ku. Totuu, Akuoi in diábí tongá kibio-biómai. Akuoi in motuḻíbí kon aid monia inta moraat

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

YEREMIA 18:12

Táe mosia in motubagbí, ‘Onu in baragunanea? Kami in umuranbí dumudui kon ibog nami tontaní! Kami kon batúannea in mogaidbí kon ibog in gina nami inta moraat!’ ”

YEREMIA 8:6

Inindongogan-Kudon kinopia, táe moiko in diábí nosingog noitutui. Diábí tobatúmai in kon sigad monimu in nomanasaḷ sin nogaidon kon inta moraat. Diábí in moguman, ‘Onu in taḷáku?’ Moiko komintan in dinumudui kon daḷanmu tontaní naonda bo kabaḷo nonubu kon pinoparangan.

YEHEZKIEL 20:41

Naonda in moiko diaan-Ku ḷumuai nongkon butá mita inta pinoporaritan kon i monimu, sipunon-Ku in moiko bo motarima kon bayongan in kuruban payongonmu. Dá kotaauandon in bayongan in bangusa kon Akuoi naa in ki Allah inta Totok in mokudus.

IMAMAT 1:13

Bo intau tatua musti mondarit kon bonu in sian bo páa in biag tatua. Onda intua imang musti moposumba intua komintan kon i Tuhan, bo tubáannea kon tudu in mezbah. Rongingi in kuruban tatua mokosanang kon gina i Tuhan.

IMAMAT 1:17

Onda intua koḻikip in ḷagapan tatua musti yabion táe dika dapot in moyotontaní in awaknea. Bo ḷagapan tatua musti tubáan kon tudu in mezbah. Rongingi in kuruban sinubá tatua mokosanang kon gina i Tuhan.

IMAMAT 1:9

Bo intau tatua musti mondarit kon bonu in sian takin paa in sapi tatua, bo imang inta mogaid kon oaidan tatua musti motubá kon tua mita. Rongingi in kuruban sinubá tatua mokosanang kon gina i Tuhan.

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

IMAMAT 4:31

Bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan in imang kon tudu in mezbah, sinbá ronginginea mokosanang kon gina i Tuhan. Natuata in pogogaid i imang moposumba in kuruban potobut kon dosa in intau biasa tobatú, dá intau tatua in ampungan i Tuhan.

IMAMAT 8:28

Mopaḷut mako kon tua ki Musa mogamá kon kaanon tatua nongkon imonia bo tubáannea kon tudu in mezbah, poyotakinon in kuruban inta tubáan sin pakéon mobaḻí kuruban pomaḻían kon imang. Rongingi in kuruban kaanon tatua mokosanang kon gina i Tuhan.

PINOGIAPAN 15:3

Pakéon kon kuruban payongon andeka kuruban poguboḻi kon dandi andeka kuruban ibog tontaní andeka kuruban kon porayaan inta biasa, motaaubí in moiko moposumba kon i Tuhan: sapi koḷakian, domba koḷakian, domba andeka bembé. Rongingi in kuruban tatua mokosanang kon gina i Tuhan.

MATIUS 15:19

Sin nongkon bonu in gina momuká in bayongan raian inta moraat, poḷoḻimod, pononuaḻing, pogogaid kon inta moromú pononakow, ibot inta diá totuu bo rebeg.

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

SURAT I PAULUS KON JAMAAT RUM 1:21

Intau in nonotaau bidon kon i Allah, táe diábí i horomat monia in Sia saḷaku Allah bo mosia in doí doman mosukur kon i-Nia. Sin soaḷbí mita inta diá in mangaḻenea in raion monia; nosindipdon in gina monia.

SURAT I PAULUS KON JAMAAT RUM 3:23

Intau in komintan bidon binaradosa bo noyayúdon kon i Allah inta moposaḷamat kon i monia.

KORINTUS 2 2:15

Sin kami naa in ná bí onda bo in kamania nobondu, inta sinubá i Kristus kon i Allah. Táe aka kon intau mita moraat, yo kami naa in nabi onda bo rasum inta mokopatoi; táe aka kon intau mita inta mopirisaya, yo kami naa in nabi onda bó mobondu inta modia kon kobiagan. Dá aka natua, yo ki ine in mokosanggup mogaid kon oaidan tanaa?

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

PILIPI 4:18

Bayongan inta paraḷuonku inogoidon monimu kon inakó, sedang bo noiḻiudon kon tugat! Bayongan inta inogoi monimu inta pinoki dia kon i Epaproditus aindon sinarimaku. Dá tanaa mako komintandon oyúon in onu inta paraḷuku. Bayongan inta inogoi monimu kon inakó tua naonda bo kobondu in kuruban inta pinosumba kon i Allah bo inta sinarima domandon i Allah takin pia in gina.

YOHANES 1 5:19

Kinotaauanbí naton kon kita naa in kapunyaanbí i Allah, umpakabí komintan dunia kinawasaandon in Inta Moraat.

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.