KINOBAḺIAN 7:8 - Alkitab Singog In Mongondow Masa In Tanaa

⁸ Tobatú in tuḷug bo tobatú in toina kon bayongan ḷagapan bo mahaḷuk ibanea – pinomayá inta halal ande inta haram –

KINOBAḺIAN 7:8 Iomraidhean Croise

KINOBAḺIAN 6:19

Dia doman kon bonu in uangga tatua in ḷagapan bo bayongan mahaḷuk ibanea tumongo par koḷakian bo kobaayan, sinbá mosia diá doman moitakin moyopú.

KINOBAḺIAN 7:14

Noyotakin doman monia sinumuot in bayongan ḷagapan bo mahaḷuk ibanea, pinomayá inta moyonok ande inta kaḻig, inta moḷoben ande inta mointok.

KINOBAḺIAN 7:2

Diaan doman in pitu nogapang nongkon bayongan ḷagapan bo mahaḷuk ibanea inta diá haram, yo onda inta haram tongádon tumongo gapang in torupa. Aidai intua sinbá nongkon bayongan in mahaḷuk oyúon in diá moitakin yopúon bo mosia in buipa doman mobiag bo mobaḻí mobarong kon dunia naa.

KINOBAḺIAN 7:9

sinumuot kon bonu in uangga moḷoben noyotakin i Nuh, podudui in guman i Allah.

OUMAN IN RASUL MITA 10:12

Kon bonunea noyagi-yagimai in mahaḷuk inta opat in sioḷnea. Mahaḷuk inta ḷumandai in mayá bo ḷagapan mita inta kaḻig.