KINOBAḺIAN 7:14 - Alkitab Singog In Mongondow Masa In Tanaa

¹⁴ Noyotakin doman monia sinumuot in bayongan ḷagapan bo mahaḷuk ibanea, pinomayá inta moyonok ande inta kaḻig, inta moḷoben ande inta mointok.

KINOBAḺIAN 7:14 Iomraidhean Croise

KINOBAḺIAN 1:21

Dá ki Allah in nomaḻí kon mahaḷuk mita mongoḷoben kon bonu in dagat, bo noyagi-yagimai in mahaḷuk inta nobiag kon bonu in tubig, takin noyagi-yagimai in ḷagapan. Bo nopia in gina i Allah in nokoontong kon tua.

KINOBAḺIAN 1:24

Onda intua ki Allah in noguman, “Koibog-Ku butá mopoḷuai in bayongan mahaḷuk in toba, inta moyonok bo kaḻig, moḷoben ande mointok.” Dá nobaḻí domandon in tatua.

KINOBAḺIAN 6:19

Dia doman kon bonu in uangga tatua in ḷagapan bo bayongan mahaḷuk ibanea tumongo par koḷakian bo kobaayan, sinbá mosia diá doman moitakin moyopú.

KINOBAḺIAN 7:13

Kon singgai doman tatua, ki Nuh bo ki buḷoinea sinumuot kon bonu in uangga moḷoben tatua takin ki adínea taya toḷu, ki Sem, ki Yapet bo ki Ham takin ki buḷoi monia mita.

KINOBAḺIAN 7:15

Tobatú in koḷakian bo tobatú doman in kobaayan nongkon bayongan rupa in mahaḷuk sinumuot kon bonu in uangga moḷoben tatua noyotakin i Nuh,