KINOBAḺIAN 7:13 - Alkitab Singog In Mongondow Masa In Tanaa

¹³ Kon singgai doman tatua, ki Nuh bo ki buḷoinea sinumuot kon bonu in uangga moḷoben tatua takin ki adínea taya toḷu, ki Sem, ki Yapet bo ki Ham takin ki buḷoi monia mita.

KINOBAḺIAN 7:13 Iomraidhean Croise

KINOBAḺIAN 10:21

Ki Sem, ki Guya-guyang i Yapet, in nobaḻí mogoguyang in bayongan in bangusa Ibrani.

KINOBAḺIAN 10:6

Ki Adí mita i Ham in ki Kus, Mesir, Libia bo Kanaan.

KINOBAḺIAN 5:32

Naonda in ki Nuh umurdon ḻima nogatut notaong, sia in nokouḻí kon adí ḷoḷaki toḷu, tangoi monia ki Sem, ki Yapet bo ki Ham.

KINOBAḺIAN 6:18

táe Akuoi in mogaid kon dodandian takinmu. Tuotdon kon bonu in kapaḷ tatua takin ki buḷoimu, ki adímu mita takin ki buḷoi monia mita.

KINOBAḺIAN 7:1

Bo ki Tuhanin noguman kon i Nuh. “Inontong-Kudon kon dongkadon iko tontaní in intau inta nogaid kon onu inta kinoibog-Ku. Dá, tuotdon kon bonu in uangga tatua in moiko motoḷuadí.

KINOBAḺIAN 7:14

Noyotakin doman monia sinumuot in bayongan ḷagapan bo mahaḷuk ibanea, pinomayá inta moyonok ande inta kaḻig, inta moḷoben ande inta mointok.

KINOBAḺIAN 8:14

Kon tanggal doyowa nopuḷú bopitu buḷan nogindua, butá in totu-totuudon noingkag.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

PETRUS 1 3:20

tuata in roho mita in intau inta diá motoindudui kon i Allah kon sempo i Nuh. Kon wakutu intua nosabar totok in ki Allah nogoḷat kon i Nuh dodai in nogaid kon kapaḷnea. Tongábí taya waḷu inta kon bonu in kapaḷ tatua in pinosaḷamat nongkon ḷunud inta moḷoben totok tatua.

PETRUS 2 2:5

Natuabí doman in pinomia kon dunia tungkuḷ intua, diábí pinomayá mako i Allah kotaḻiban in hukuman. Pinoangoi i Allah in ḷunud moḷoben totok kon dunia in intau mita moraat tungkuḷ intua. Tongábí ki Nuh takin intau pitu ibanea in pinosaḷamat i Allah, sin sia in nopotaau in habar soaḷ kobobiag inta mokosanang kon gina i Allah.

HAKIM MITA 21:22

Aka ki amá ande ki utatnea ḷoḷaki mamangoi bo monuntut kon inia, moiko motaau moguman, ‘Poigumon nami, pomayádon mako in mosia kon inami. Diábí inagow nami in mosia kon parang. Bo popisí in moiko diá mobogoi kon i monia kon inami, dá moiko in diábí iḻimimpat kon dandi, dá diábí kotaḷá.’ ”