KINOBAḺIAN 6:8 - Alkitab Singog In Mongondow Masa In Tanaa

⁸ Táe kobobiag i Nuh in nokosanang kon gina i Tuhan.

KINOBAḺIAN 6:8 Iomraidhean Croise

KINOBAḺIAN 19:19

Totuubí kon ki Tuang aindon totok notuḷung kon inakó bo noposaḷamat kon nyawaku. Táe buḷud tatua totuu moyayú; moondok in akuoi, dika-dikabo kobatukan in bodito tatua in akuoi bo matoi kon dodai in diápa moyaput in tampat tatua.

MAZMUR 145:20

Sia in moḷukadbí kon batúan in intau inta moibog kon i-Nia, táe intau moraat in putúan-Neabí.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

AMSAL 12:2

Intau mopia kinosanang i Tuhan, táe intau inta monomayá kon inta moraat in motarimabí kon hukuman.

AMSAL 3:4

sinbá iko in koibog bo horomaton i Allah bo in tumpaḷa intau.

AMSAL 8:35

Ki ine in mokouḻí kon inakó, mokouḻí kon kobiagan, sia in kinoibog i Tuhan.

YEREMIA 31:2

Kon padang gurun Akuoi ain noponiata in tabi-Ku kon i monia inta ain noiḷagui kon popatoi. Kon dodai in umat in Israel notayak kon koodoman,

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

MATIUS 24:37

Sin ná inta nobaḻí kon masa i Nuh, yo natua doman in mobaḻí kon masa in koangoian i Adí Intau.

LUKAS 1:30

Dá malaekat tatua in noguman kon inia nanaa, “Dika moondok Maria, sin iko in kinosanang gina i Allah.

LUKAS 17:26

Kon singgai inta koangoian in Adí Intau naonda bo kon masa i Nabi Nuh tungkuḷ intua.

OUMAN IN RASUL MITA 7:46

Ki Daud in totok kinosanang in gina i Allah nodapot nopoigum in sia sinbá ogoi-Nea moposindog in Baḷoi-Nea. Baḷoi i Allah inta sinumba i Yakub tatua.

SURAT I PAULUS KON JAMAAT RUM 11:6

Ki Allah in nomiḻí kon i monia sin pinodoyon kon tabi-Nea, deemanbí pinodoyon kon aid monia. Sin aka Sia nomiḻí kon i monia pinodoyon kon aid in intau, dá tabi tatua in deeman bidon totu-totuu tabi.

SURAT I PAULUS KON JAMAAT RUM 4:4

Intau inta mogaid in motarimabí kon boḻi in pinogaidannea bo tua in diábí inanggap saḷaku pinomorosen sin hakneabí intua.

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

GALATIA 1:15

Tongá pinodoyonbí kon tabi i Allah, sahingga in piniḻí-Nea in akuoi kon tungkuḷ in kon bonupa in sian i ináku. Inoiní-Nea in akuoi sin mogaid kon oaidan-Nea.

TIMOTIUS 2 1:18

Bo kinotaauanmu bidon totok wakutu in akuoi kon Epesus, mobayong totok in totuḷungnea kon inakó. Dá akuoi in tongá tantú mopoigum mako in doa sinbá ki Allah in umuran mobogoi in barakat bo totabi kon inia kon wakutu in singgai ponantúandon i Tuhan kon bayongan intau.

TITUS 2:11

Sin ki Allah ain nopoontong in totabi-Nea sin moposaḷamat kon bayongan in umat kon dunia naa.

TITUS 3:7

sinbá saḷaku intau mita inta ain nokouḻí kon totabi i Yesus dá mokouḻí doman kon kobiagan mononoi ná inta harapon mako naton.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

PETRUS 1 3:20

tuata in roho mita in intau inta diá motoindudui kon i Allah kon sempo i Nuh. Kon wakutu intua nosabar totok in ki Allah nogoḷat kon i Nuh dodai in nogaid kon kapaḷnea. Tongábí taya waḷu inta kon bonu in kapaḷ tatua in pinosaḷamat nongkon ḷunud inta moḷoben totok tatua.

PETRUS 2 2:5

Natuabí doman in pinomia kon dunia tungkuḷ intua, diábí pinomayá mako i Allah kotaḻiban in hukuman. Pinoangoi i Allah in ḷunud moḷoben totok kon dunia in intau mita moraat tungkuḷ intua. Tongábí ki Nuh takin intau pitu ibanea in pinosaḷamat i Allah, sin sia in nopotaau in habar soaḷ kobobiag inta mokosanang kon gina i Allah.