KINOBAḺIAN 6:7 - Alkitab Singog In Mongondow Masa In Tanaa

⁷ dapot in Sia noguman, “Yopúon-Kudon in intau inta ain pinomia-Ku tua, bo takin doman bayongan in ḷagapan bo mahaḷuk mita ibanea, sin Akuoi in nomanasaḷdon ain nopomia kon i monia.”

KINOBAḺIAN 6:7 Iomraidhean Croise

KINOBAḺIAN 6:6

Nomanasaḷdon in Sia nomia kon i monia bo nonampat kon i monia kon dunia naa. Totok nomanasaḷ in Sia,

KINOBAḺIAN 7:21

Ki Tuhan noyopú kon bayongan in mahaḷuk inta nobiag kon dunia naa: Intau, ḷagapan bo mahaḷuk mita kon toba pinomayá mointok ande moḷoben. Inta diá minatoi in tongá bidon ki Nuh bo bayongan inta noyotakinnea kon bonu in uangga moḷoben tatua.

KINOBAḺIAN 7:4

Pitupa nosinggai bo poonag-Ku in uyan inta diá motonta-tontá kon bonu in opat nopuḷú nosinggai bo opat nopuḷú nogobii, sinbá mahaḷuk nobiag inta ain pinomia-Ku tua in modait matoi.”

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

MAZMUR 37:20

Táe intau moraat in moyopúbí, musung i Tuhan in moinggamábí naonda bo bungang kon rawang, mosia in mobuḻibí kon bonu in poyok.

AMSAL 10:27

Horomatbí in ki Tuhan, dá moonggot in kobiaganmu; intau moraat matoi deemanpa wakutunea.

AMSAL 16:4

Bayongan yagi-yagi inta inaidan i Tuhan oyúonbí in makusudnea; bo makusud in intau moraat tuata in bodito.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

HOSEA 4:3

Tuamai in butá tanaa in moingkagdon, bo bayongan inta nobiag kon tua in matoidon. Bayongan in mahaḷuk kon ḷangit, kon toba bo kon dagat in moyopúbí.”

AMOS 7:3

Ki Tuhan in nomaḷui kon tomayá-Nea bo noguman, “Inta inontongmu tua in diábí mobaḻí.”

AMOS 7:6

Ki Tuhan in nomaḷui kon tomayá-Nea bui bo noguman, “Naa doman in diábí mobaḻí.”

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

ZEPANYA 1:2

Ki Tuhan in noguman, “Daiton-Kubí yompaton in bayongan onu inta kon butá:

ZEPANYA 1:3

bayongan in intau bo bobiagon, moitakin doman in ḷagapan bo toyá. Intau moraat in yompaton-Kubí. Bayongan umat intau in yompaton-Kubí, diábí tobatúmai in intau in pomayá-Ku mako in mobiag. Akuoi, ki Tuhan, ain nosingog.

ULANGAN 28:63

Ná pia in gina i Tuhan nobogoi in kobiagan motompia kon inimu bo modugang kon kobayongmu, yo natua doman in kososanang in gina-Nea moyompat bo moyopú kon i monimu. Moiko in poḷuaiondon nongkon butá inta diádon moonggot in ḻitúan monimu.

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.