KINOBAḺIAN 6:4 - Alkitab Singog In Mongondow Masa In Tanaa

⁴ Kon zaman intua, bo kon noiduduimai kon tua, oyúon in intau mita inta mongo itoi bo mongoḷoben kon dunia naa. Mosia tua in buí in bobay mita inta notonibuḷoi takin i adí mita i allah. Intau mita inta moitoi bo moḷoben tua in mongoroton bo ponango-nangoian kon tungkuḷ intua.

KINOBAḺIAN 6:4 Iomraidhean Croise

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

PINOGIAPAN 13:33

Bo kami in nokoontong domandon kon intau mita inta ná ki tuyá, inta buí in intau Enak. Aka poyotongkaionmai monia tua yo kami naa in tongábí naonda bo pangkoḷá, bo tantú kon natuabí doman in anggapan monia kon inami.”

ULANGAN 2:11

Ná intau in Enak, mosia sinangoian doman intau in Repaim, táe aka kon intau in Moab mosia tua sinangoi intau in Emim.

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

SAMUEL 1 17:4

Dá intau tobatú inta motoyang moropatoi inta ki Goliat in tangoinea, nongkon kotá in Gat iḻumuai nongkon pinononḷoḷaigan in Pilistin sin monontot kon intau in Israel. Koḷantudnea tua in degá toḷumai nometer,