KINOBAḺIAN 6:3 - Alkitab Singog In Mongondow Masa In Tanaa

³ Dá ki Tuhan in noguman, “Diábí ogoi-Ku in intau mobiag mononoi; mosia tua in mahaḷukbí ilo-ilow, inta musti matoi. Nongkon tanaa mako umur monia in diá bidon moiḻiu kon mogatut bodoyowá nopuḷú notaong.”

KINOBAḺIAN 6:3 Iomraidhean Croise

KINOBAḺIAN 6:2

mahaḷuk mita i allah in nokoontong kon adí mita bobay tatua mongoḷunat. Bo mulai tonibuḷoion monia in mongodeaga mita inta koibog monia.

NEHEMIA 9:30

Pomuḷoi in taong mosabar in Iko mobogoi in tompoingat kon i monia; pinongin in nabi, Roho-Mu in moguman kon i monia. Táe umat-Mu tatua in momompon kon bongoḷan, bo pinosarakan-Mu kon bangusa mita inta kon dunia naa.

MAZMUR 78:39

Kinotoropan-Nea kon mosia in tongábí mahaḷuk inta mato-matoi, naonda bo tompot inta noitaḻib bo diá bidon mobui mangoi.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

YESAYA 5:4

Onupa in musti pomiaan-Ku, inta diápa inaidan-Ku kon gobá in anggur-Ku tatua? Nongonu sin noiratbí in bungainea, bo deemanbí bungainea inta mopia ná inta inoḷat-Ku mako?

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

YEREMIA 11:11

Tuamai, Akuoi, ki Tuhan nopotoingat kon Akuoi in mopoangoibí in bodito kon i monia bo mosia in diábí mokoḷagui kon tua. Aka mosia mokuani mokituḷung kon i-Nakó, Akuoi in doíbí mokidongogmai.

YEREMIA 11:7

Tungkuḷ in Akuoi nodia kon mogoguyang monia iḻumuai nongkon Mesir, Akuoi in nodandi totok kon i monia sinbá motoindudui kon i-Nakó. Nodapot in singgai naa Akuoi tantúpabí doman nopotoingat kon umat-Ku kon tua,

PINOGIAPAN 11:17

Moponag in Akuoi bo moyosingogmu kon tampat tatua, bo tosilai nongkon kawasa inta ain inogoi-Ku kon inimu, ogoi-Kudon kon i monia. Dá motaaudon in mosia motuḷung kon inimu mobaba kon onu inta pinoki totaau kon bangusa tanaa, bo dikadon tongá iko tontaní in mobaba kon tua.

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

TESALONIKA 1 5:19

Donaai monahang kon onu in kinoibog in Roho i Allah.