KINOBAḺIAN 6:13 - Alkitab Singog In Mongondow Masa In Tanaa

¹³ Bo ki Allah in noguman kon i Nuh, “Sinimpod-Kudon in singog kon daiton-Kudon paḷuton kobiagan in bayongan mahaḷuk. Yopúon-Kudon in mosia takin butá naa, sin butá naa nopuḻingdon in oaid monia inta moromú.

KINOBAḺIAN 6:13 Iomraidhean Croise

KINOBAḺIAN 49:5

Ki Simeon bo ki Lewi mogutat; abit monia in aid motogat.

KINOBAḺIAN 6:14

Pogaidon iko kon uangga moḷoben tobatú kon inimu, aidai nongkon kayu inta morigon bo mopira; bo bonu in uangga tatua aidai ḷonga-ḷongaton, bo aipai in aspal dotá in bonunea bo dotá in ḷuainea.

KINOBAḺIAN 6:4

Kon zaman intua, bo kon noiduduimai kon tua, oyúon in intau mita inta mongo itoi bo mongoḷoben kon dunia naa. Mosia tua in buí in bobay mita inta notonibuḷoi takin i adí mita i allah. Intau mita inta moitoi bo moḷoben tua in mongoroton bo ponango-nangoian kon tungkuḷ intua.

KINOBAḺIAN 7:21

Ki Tuhan noyopú kon bayongan in mahaḷuk inta nobiag kon dunia naa: Intau, ḷagapan bo mahaḷuk mita kon toba pinomayá mointok ande moḷoben. Inta diá minatoi in tongá bidon ki Nuh bo bayongan inta noyotakinnea kon bonu in uangga moḷoben tatua.

KINOBAḺIAN 7:4

Pitupa nosinggai bo poonag-Ku in uyan inta diá motonta-tontá kon bonu in opat nopuḷú nosinggai bo opat nopuḷú nogobii, sinbá mahaḷuk nobiag inta ain pinomia-Ku tua in modait matoi.”

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

YESAYA 34:1

Igaidon moyosipun, ei bangusa mita, bo indongogaidon. Pomayádon mako in sinangkub in dunia bo bayongan inta nobiag kon bonunea mamangoi bo mokidongog.

YEREMIA 51:13

Butá tatua in nooyúon totok bo nobarong in ongkagnea, táe wakutu in kobiagannea in nodaitdon; imbuit in kobiagannea noidapotdon.

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

AMOS 8:2

Ki Tuhan in noḻibó, “Onu in inontongmu, Amos?” Akuoi in notubag, “Karansi uatoi tobatú inta kon bonu-bonu in bungai in ayop inta ain nongogurang.” Ki Tuhan in noguman, “Wakutunea in nogurangdon kon umat-Ku Israel. Akuoi in diá bidon momaḷui bui kon tomayá-Ku bo notantúbí kon mohukum kon i monia.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.