KINOBAḺIAN 6:11 - Alkitab Singog In Mongondow Masa In Tanaa

¹¹ Táe bayongan intau ibanea komintandon moraat inontong i Allah, bo kobobiag inta moromú nobaḻídon kon bayongan in tampat.

KINOBAḺIAN 6:11 Iomraidhean Croise

KINOBAḺIAN 10:9

Takin totuḷung i Tuhan sia in nobaḻí pemburu inta totok in motoyang. Tuamai in nobaḻí istiaḷ intau nanaa, “Poigumon mako ki Tuhan mopobaḻí kon inimu tobatú pemburu inta motoyang ná ki Nimrod.”

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

KINOBAḺIAN 7:1

Bo ki Tuhanin noguman kon i Nuh. “Inontong-Kudon kon dongkadon iko tontaní in intau inta nogaid kon onu inta kinoibog-Ku. Dá, tuotdon kon bonu in uangga tatua in moiko motoḷuadí.

TAWARIKH 2 34:27

iko in nomanasaḷ bo sinumonsiup kon tayowon-Ku. Akuoi in nogumandon kon Yerusalem bo intau mita inta nogutun kon tua, táe naonda in iko nokodongog kon onu inta pinotaau-Ku tatua nongombaḷ in iko bo nomerak kon ḷambungmu nobaḻí tomponuot kon morobonoḷ in dodobmu. Dinongog-Kudon in sambayangmu,

MAZMUR 11:5

Ki Tuhan in nonungkuḷ kon intau mopia bo intau moraat, dinoí-Nea in intau inta moḻingá.

MAZMUR 140:11

Biódon mako mosia in kotampurangan baga in tuḷú, bo pinogonag kon bonu in bubú in popatoi, dá diádon mokoḷuai bui.

MAZMUR 55:9

Ḻimikatbí in akuoi motayak kon tampat pogadopan nongkon deḷang bo tompot moropot.

IḶUAIAN 32:7

Dá ki Tuhan noguman kon i Musa, “Ḷagidon posiḻig, sin bangusa inta diniamu iḻumuai nongkon butá in Mesir nomiadon kon inta moraat.

YESAYA 60:18

Diá bidon in habar soaḷ aid diá mopia kon butámu, soaḷ korimumudan bo kogoguyaatan kon wilayahmu. Naonda bo dinding Akuoi in mogoḻiung kon inimu, bo iko in modayowbí kon i-Nakó nobaḻí Mopoposaḷamatmu.

YEREMIA 6:7

Ná doman bokaká umuranbí mopoḷuai in tubig modarit, yo natua doman in kotá tatua umuranbí mopoaid in inta moraat. Tongá habar aid moromú bo pogagowan mita in dinongog-Ku nongkon kotá tatua; kekeb bo takit inontong-Ku kon bayongan tampat.

YEHEZKIEL 28:16

Iko in mosibuk in modagang, bo tuata in nodia kon inimu pamandot bo nogaid kon dosa. Dá pinoguntun-Ku in iko nongkon buḷud-Ku inta motusi, bo malaekat moḷoḷukadmu nogampoi kon inimu nongkon yua-yuak in permata inta mopouḻi-uḻinag tua.

YEHEZKIEL 8:17

Ki Tuhan in noguman kon inakó, “Ei intau inta ilo-ilow, inontongmu degá intua? Intau mita in Yohuda tanaa in diá moorop aka tongá mogaid kon inta mokorongó tatua bo mogaid kon inta diádon monotaau kon intau kon sinangkub in butá. Nodapotbí in inaidan monia intua komintan kon naa, kon bonu in Baḷoi-Ku bo nokodugang kon torú-Ku bui. Indoiaika naonda in mosia moningkuḻe kon i-Nakó pinongin aid inta totok in mokotor tanaa!

HABAKUK 1:2

O Tuhan modapot in toonu degá in akuoi in musti momaḷú mokituḷung? Toonu in Iko in mokidongog bo moposaḷamat kon inami nongkon pinororigaan?

HABAKUK 2:17

Iko in monaḷun kon kayu mita kon kayuon in Libanon, bo tanaa in ikodon tontaní in pupuḷon. Iko in noḻimod kon bobiagonnea mita, bo tanaa in bobiagon mita tatua in mokoondokdon kon inimu. Tua komintan in mobaḻí popisí in pinoḻimodan bo koḷoḻingá inta ain inaidanmu kon ḻipú mita, kon kotá mita bo kon intaunea mita.

HABAKUK 2:8

Iko in nogagowdon kon nobayong in bangusa, táe bangusa mita inta nokoḷagui in mogagowbí bui kon inimu, popisí in pinoḻimodan inta ain inaidanmu, bo popisí in koḷoḻingámu kon ḻipú mita, bo kon kotá mita takin intaunea mita kon tua.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

SURAT I PAULUS KON JAMAAT RUM 2:13

Sin hubungan in intau takin i Allah in moyoguḻit bui, deemanbí popisí in intau tatua nonotaaudon kon hukum agama in Yahudi, táe popisíbí in sia nogaidon kon onu inta pinais kon bonu in hukum tatua.

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

ULANGAN 31:29

Kinotaauankubí kon naonda in akuoi matoi, intau mita tatua mobaḻídon moraat bo mondoí kon onu inta ain sinundúku kon i monia. Bo kon singgai moiduduimai mosia in kotugatan in bodito, sin nokopomukádon kon torú i Tuhan sin nogaid kon onu inta kinodoí-Nea.”

HAKIM MITA 2:19

Tongá aka itoi tatua bo matoidon, dá dodia in bangusa tatua in modugangdon moraat moiḻiudon kon intau mita inta muna nobiag kon i monia. Mosia in mogundoi kon ilah mita ibanea bo mosumba kon ilah mita tatua. Mosia in nobuidon kon oaid mita monia inta moraat bo doí monimbaḷui kon dodia monia.