KINOBAḺIAN 50:9 - Alkitab Singog In Mongondow Masa In Tanaa

⁹ Rombongan inta sinumakoi kon kereta bo inta sinumakoi kon kabaḷo sinumakin doman, dapot in pipidan intau mita inta sinumakin totok in moḷanggó.

KINOBAḺIAN 50:9 Iomraidhean Croise

KINOBAḺIAN 41:43

Bo inogoineadon kon i Yusup in kereta dodatuan inta induanea, bo pongawal kahoromatan i datu minaya-mayá kon muna in kereta tatua takin mobaḷu, “Pokoingat! Ogoiai in daḷan! Ogoiai in daḷan!” Natuata ki Yusup binaḻídon gubernur kon butá in Mesir.

KINOBAḺIAN 46:29

ki Yusup in sinumakoi kon keretanea sin mayá mokipodungkuḷ kon i amánea kon tua. Onda in mosia noyodungkuḷ, ki Yusup ginumakap kon i amánea bo noonggot in pinongombaḷnea.

KINOBAḺIAN 50:10

Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

KINOBAḺIAN 50:8

Buḷoi, adí, utat mita i Yusup bo ginaḷum motoḷuadí inta ibanea minayá doman. Tongádon adí mita mointok bo bobiagon monia in sinaḷáan kon butá in Gosyen.

DATU MITA 2 18:24

Umpaka tongá monayow kon porwira nami inta totokkabí in moompá, yo moiko nion in diá bidon in mangaḻenea. Táe moiko in mogoḷatpa doman mako kon Mesir in mokidia mangoi in totuḷung kereta in parang bo tontara inta tumakoi kon kabaḷo!

IḶUAIAN 14:17

Potogaton-Ku in gina Intau in Mesir bá umuran aḷowan monia in intau in Israel, bo poontong-Kudon in kawasa-Ku kon i datu in Mesir, kon tontaranea, kon keretanea mita bo mododianea.

IḶUAIAN 14:28

Tubig in dagat noyobui bo noḷingkum kon kereta mita, intau mita inta nodia, bo bayongan tontara in Mesir inta nogaḷow kon intau in Israel kon yuak in dagat, dapot in mosia nodait minatoi.

IḶUAIAN 14:7

Sia in nobuat takin bayongan kereta parangnea, noitakin domandon in 600 in kereta inta totok in motompiḻí, inta dinia in porwiranea mita.

DONDONG MOḶANTUD 1:9

Batoḷ in dodobku, iko in naonda bo kabaḷo kobaayan inta nogugut kon kereta i datu in Mesir.

OUMAN IN RASUL MITA 8:2

Bayongan in intau inta mongoondok kon i Allah noḷobong kon i Stepanus bo totok monia inuangan in sia.