KINOBAḺIAN 50:2 - Alkitab Singog In Mongondow Masa In Tanaa

² Ki Yusup in nomarenta kon intau mita inta mononompia kon mayat sinbá pakéandon in bahan mita inta ponahang kon mayat bá diá mobondot in mayat i Yakub.

KINOBAḺIAN 50:2 Iomraidhean Croise

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 50:1

Ki Yusup inumuḻid bo nonggakap kon i amánea poḷat nongombaḷ bo nongayok kon pogot i amánea.

KINOBAḺIAN 50:26

Onda intua minatoidon in ki Yusup kon Mesir kon dodai in umurdon mogatut bo mopuḷú notaong. Mosia in nonompia kon mayat tatua takin nomaké in bahan mita inta biasamai pakéon kon intau minatoi. Bahan mita tatua binonu monia kon poti intau minatoi.

TAWARIKH 2 16:14

Mayatnea in pinakéan in toyokayu nongkon pododungú mita bo inta mongo bo mongobondu, bo iḷobong kon poḷoḷobongan kon datu kon Kotá i Daud. Bo saḷaku horomat kon inia rayat nonontuḷúdon noḷoben totok.

MATIUS 26:12

Kon dodai in sia nopoingú in ḷana tatua kon awak-Ku, sia aindon noposadia kon poḷobongan kon i-Nakó.

MARKUS 14:8

Bobay tanaa ain nogaid kon onu in motaaunea aidan. Ḷananea tatua in pinosadianea kon poḷobongan kon i-Nakó kon wakutu in Akuoi diápa minatoi.

MARKUS 16:1

Naonda in noitaḻibdon in singgai in Sabat, ki Maria Magdalena, ki Maria ki iná i Yakobus bo i Salome minayá notaḷui kon toyokayu mita sin poḷana kon mayat i Yesus.

LUKAS 24:1

Táe kon singgai in Diminggu modiugpa mobayag, bobay mita tatua minayá in poḷoḷobongan bo nodia kon toyokayu mita inta aindon sinadia monia.

YOHANES 12:7

Táe ki Yesus in noguman, “Pomayádon mako in pogaidan bobay tatua kon natua! Sia in nogaid kon natua sin moposadia kon poḷobongan kon i-Nakó.