KINOBAḺIAN 50:11 - Alkitab Singog In Mongondow Masa In Tanaa

¹¹ Naonda intau mita in Kanaan nokoontong kon kinopatoian kon Goren-Haatad tatua, mosia in noguman, “Totokdon in mokokuyang kon gina in kinopatoian intau in Mesir tatua!” Tuamai tampat tatua sinangoian Abel-Mizraim.

KINOBAḺIAN 50:11 Iomraidhean Croise

KINOBAḺIAN 13:7

Bo nobaḻídon in bobayowan kon sigad in gombala i Abram bo gombala mita i Lot. (Kon tungkuḷ intua intau mita in Kanaan bo intau mita in Peris nogutunpa kon butá tatua.)

KINOBAḺIAN 24:6

Táe ki Abraham in notubag, “Pokoingat! Donaaibí in iko kinodia-dianea kon i adíku mayá intua!

KINOBAḺIAN 34:30

Ki Yakub noguman kon i Simeon bo kon i Lewi, “Moiko mokopororigamaidon kon inakó. Tanaa intau in Kanaan bo intau in Peris bo bayongan intau kon butá kon naa moyaatdon in gina monia kon inakó. Intau mita naton tongábí topiḻik; aka komintan intau kon naa motobatú komintan moḷawang bo monubu kon inakó, yo bayongan buḷoi, adí bo ginaḷum naton modaitbí moyopú.”

KINOBAḺIAN 50:10

Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

KINOBAḺIAN 50:12

Natuadon ki adí mita i Yakub nomia kon onu in tongkoyow i Yakub kon i monia.

ULANGAN 11:30

Buḷud doyowa tatua noiukat kon dotá in toyopan kon Ongkag in Yordan kon butá intau in Kanaan inta nogutun kon Ḷopá in Yordan, sinumayow kon toyopan diá noyayú nongkon pangkoi mita in kayu tampat pooibadaan kon More kon diug in kotá in Gilgal.)

ULANGAN 3:25

Ogoipa in akuoi ḷumoḷan kon Ongkag in Yordan, o Tuhan, sin moindoi kon butá inta mopia kon ḷoḷan, buḷud inta mogaga bo Buḷud in Libanon.

ULANGAN 3:27

Bayádon kon tudu totok in Buḷud Pisga bo indoidon kon dotá in utuan bo toḷatan, kon dotá in pomukaan bo toyopan. Taridiaidon kopia onu in inontongmu tua, sin iko in diá bidon moiḷoḷan kon Ongkag in Yordan.