KINOBAḺIAN 50:10 - Alkitab Singog In Mongondow Masa In Tanaa

¹⁰ Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

KINOBAḺIAN 50:10 Iomraidhean Croise

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 50:11

Naonda intau mita in Kanaan nokoontong kon kinopatoian kon Goren-Haatad tatua, mosia in noguman, “Totokdon in mokokuyang kon gina in kinopatoian intau in Mesir tatua!” Tuamai tampat tatua sinangoian Abel-Mizraim.

KINOBAḺIAN 50:3

Oaidan tatua modait motoḻisí kon bonu opat nopuḷú nosinggai, tuata in wakutu inta biasamai pakéon monompia kon mayat. Intau in Mesir nongombaḷ kon i Yakub, pitu nopuḷú nosinggai in koonggotnea.

KINOBAḺIAN 50:4

Naonda in nopaḷut in wakutu pinonogumatoian, nogumandon in ki Yusup kon pogawai mita i datu, “Poyaputdon in koyow tanaa kon i datu,

KINOBAḺIAN 50:9

Rombongan inta sinumakoi kon kereta bo inta sinumakoi kon kabaḷo sinumakin doman, dapot in pipidan intau mita inta sinumakin totok in moḷanggó.

SAMUEL 2 1:17

Nopaḷut mako kon tua ki Daud nopodondong in amui tanaa kon i Saul bo kon i Yonatan,

SAMUEL 2 11:26

Naonda in kinodongogan i Batsyeba kon ki buḷoinea in minatoidon, nonogumatoidon in sia.

TAWARIKH 1 10:12

intau mita inta totok in mongobarani kon sigad monia in minayá nogamá kon mayat i Saul bo i adínea mita ḷoḷaki bo dinia monia kon Yabesh. Iḷobong monia in tuḷannea mita kon siungon in pangkoi in kayu moḷoben onda intua mosia nopuasa pitu nosinggai in koonggotnea.

AYUB 2:13

Pitu nosinggai bo pitu nogobii in mosia iḻimitú mako kon butá, kon diugmai i Ayub, takin diá noposingo-singog, sin inontong monia kon totuu mobogat in roriganea.

MOHOHUTUBA 12:5

Iko moondok in motakod kon tampat moḷantud bo musti umuran mokopoingat in mayá. Buokmu in ubanandon bo sioḷmu in moipape kon dodai in mayá. Dá mobuḻidon in bayongan gina bo ibog. Kita in mopobayá in tampat pogogutunan naton inta imbuitnea, intau mita mononogumatoi bo mogamui kinoouput in bayáan.

PINOGIAPAN 19:11

Intau inta noiḻiai kon mayat mobaḻí monajis kon bonu in pitu nosinggai.

PINOGIAPAN 20:29

Bayongan umat nokodongog kon ki Harun minatoidon, bo mosia komintan nonogumatoidon toḷu nopuḷú nosinggai in koonggotnea.

OUMAN IN RASUL MITA 8:2

Bayongan in intau inta mongoondok kon i Allah noḷobong kon i Stepanus bo totok monia inuangan in sia.

ULANGAN 1:1

Buk in tanaa tombonunea in tosingogon mita inta pinotaau i Musa kon bangusa Israel kon dodai in mosia kon padang gurun kon Ḷopá in Yordan. Ḷopá tatua in kon dotá in pomukaan kon Ongkag in Yordan, kon diug in kotá in Sup, kon sigad in kotá in Paran kon pihak tobatú, bo kon kotá mita in Topel, Laban, Hazerot bo Di-Zahab kon pihak ibanea. (

ULANGAN 34:8

Kon rata in Moab intau mita in Israel mongombaḷmai kon i Musa bo nonogumatoi toḷu nopuḷú nosinggai in koonggotnea.

SAMUEL 1 31:13

Bayongan in tuḷannea sinipun bo iḷobong kon siungonmai in pangkoi in tamariska kon kotá tatua. Onda intua nopuasadon in mosia pitu nosinggai in koonggotnea.