KINOBAḺIAN 5:5 - Alkitab Singog In Mongondow Masa In Tanaa

⁵ Sia in minatoi kon umur siow nogatut bo toḷu nopuḷú notaong.

KINOBAḺIAN 5:5 Iomraidhean Croise

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

KINOBAḺIAN 5:11

Sia in minatoi tungkuḷ in umurdon siow nogatut bo ḻima notaong.

KINOBAḺIAN 5:4

Nopaḷut mako kon tua ki Adam in nobiagpa waḷu nogatut notaong bo buipa doman nokouḻí kon adí mita ibanea.

KINOBAḺIAN 5:6

Kon tungkuḷ in ki Set umur mogatut bo ḻima notaong, nokouḻí in sia kon adí ḷoḷaki, tangoinea in ki Enos.

KINOBAḺIAN 5:8

Sia in minatoi tungkuḷ in umurdon siow nogatut bo mopuḷú bodoyowá notaong.

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

TAWARIKH 1 1:1

Tangoi mita in mogoguyang in bangusa in Israel nongkon i Adam noidapot kon i Nuh, ná noiduduimai tanaa: Adam Set Enos Kenan Mahalaleel Yared Henokh Metusalah Lamekh Nuh. Ki adí ḷoḷaki i Nuh in taya toḷu: Ki Sem, ki Ham bo ki Yapet.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

MAZMUR 89:48

Toropdon in akuoi totuubí mopoḷok in kobiaganku naa, binaḻí-Mu in intau saḷaku mahaḷuk inta mato-matoi.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

MOHOHUTUBA 12:5

Iko moondok in motakod kon tampat moḷantud bo musti umuran mokopoingat in mayá. Buokmu in ubanandon bo sioḷmu in moipape kon dodai in mayá. Dá mobuḻidon in bayongan gina bo ibog. Kita in mopobayá in tampat pogogutunan naton inta imbuitnea, intau mita mononogumatoi bo mogamui kinoouput in bayáan.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

MOHOHUTUBA 9:5

Intau inta nobiag nonotaaubí kon singgai kopatoian in nogoḷatbí mako kon inia, táe intau minatoi in diábí nonotaau kon onu bo onu. Diábí in tondan andeka tontuḻínea bo tangoinea in kinoḻiongandon.

MOHOHUTUBA 9:8

Pokotarimbukabí bo pokopobayag in pogotmu.

YEHEZKIEL 18:4

Nyawa in batúan intau in Akuoibí in kitogi, pinomayá nyawa in guyanga andeka nyawa i adínea. Intau inta baradosa siabí in matoi.

ULANGAN 30:20

Kotabibí in ki Tuhan Allahmu, duduiaidon in Sia, bo pokosatiadon kon i-Nia. Dá moiko bo buímu in mobiag moumur kon butá inta pinodandi i Tuhan kon mogoguyangmu, ki Abraham, ki Ishak bo ki Yakub.”

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.