KINOBAḺIAN 5:3 - Alkitab Singog In Mongondow Masa In Tanaa

³ Naonda in ki Adam umurdon mogatut bo toḷu nopuḷú notaong, nokouḻídon in sia kon adí ḷoḷaki inta notombatangannea, bo sinangoiannea ki Set.

KINOBAḺIAN 5:3 Iomraidhean Croise

KINOBAḺIAN 4:25

Ki Adam bo ki buḷoinea bui nokouḻí kon adí ḷoḷaki. Guman i Hawa, “Ki Allah aindon nobogoi bui kon inakó in adí ḷoḷaki tobatú nobaḻí toḻiu i Habel, inta ain iḻimod i Kain.” Tuamai sinangoian i Hawa in adí tatua ki Set.

KINOBAḺIAN 5:2

Pinomia-Nea in mosia ḷoḷaki bo bobay. Binarakatan-Nea in mosia bo sinangoian “Intau”.]

KINOBAḺIAN 5:4

Nopaḷut mako kon tua ki Adam in nobiagpa waḷu nogatut notaong bo buipa doman nokouḻí kon adí mita ibanea.

AYUB 14:4

Motaau degá in intau baradosa mokopoangoi kon inta motompod?

AYUB 25:4

Degá intau motusi kon mata i Allah? Degá nodarit kon tayowon-Nea?

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

LUKAS 1:35

Dá tubag in malaekat tatua kon inia nanaa, “Roho i Allah takin kawasa-Nea inta totok in moḷantud mamangoi bo mongawasa kon inimu. Tuamain Adí inta polahirmu tua in tangoion Mokudus, ki Adí i Allah.

LUKAS 3:36

inta ki adí i Kenan, ki adí i Arpakhsad, ki adí i Sem, ki adí i Nuh, inta ki adí i Lamekh,

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

SURAT I PAULUS KON JAMAAT RUM 5:12

Dosa in sinumuot kon dunia naa nongin intau tobatú, bo nongkon dosa tatua nomuká domandon in popatoi. Akibatnea popatoi tatua in nongawasadon kon bayongan intau, sin bayongan intau in nogaid domandon kon dosa.

KORINTUS 1 15:39

Awak in bayongan mahaḷuk inta nobiag in diábí komintan notongkai. Awak intau in diábí notongkai awak in mahaḷuk; bo noyoposibí doman awak in ḷagapan, bo awak in toyak.

KORINTUS 1 15:49

Kita tanaa mako in naonda bo ki Adam inta pinomia nongkon butá, dá bain noiduduimai bo kita in mobaḻí ná Sia inta namangoi nongkon soroga tua.

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.