KINOBAḺIAN 5:24 - Alkitab Singog In Mongondow Masa In Tanaa

²⁴ Pinopisí in ki Henokh umuran nobiag modagin kon i Allah, dá diádon in sia kon dunia naa sin diniadon i Allah.

KINOBAḺIAN 5:24 Iomraidhean Croise

KINOBAḺIAN 24:40

Tubagnea, ‘Ki Tuhan inta umuran duduianku, in mopotabábí in malaekat-Nea sin motuḷung kon inimu sinbá onu inta pinoki aidku kon inimu kodapotanpa doman. Iko in mokodungkuḷbí kon bobay inta pobuḷoion i adíku nongkon sigad in ginaḷumku inta nongkon buí i amáku.

KINOBAḺIAN 37:30

Sia in minayá kon i utatnea mita bo noguman, “Diá bidon kon tua in adí tatua! Onu in pomiaanku in tanaa?”

KINOBAḺIAN 42:36

Bo ki amá monia in nosingogdon, “Moiko ain nokopopisí kon akuoi in kinobuḻiandon i adíku mita. Ki Yusup in diádon; ki Simeon diádon; bo tanaa moiko in mogamá domandon kon i Benyamin. Moiḻiudon totok in rorigaku!”

KINOBAḺIAN 5:22

Onda intua ki Henokh in nobiag notobatú takin i Allah kon bonu in toḷu nogatut notaong. Sia in nokouḻí kon adí ḷoḷaki mita ibanea

KINOBAḺIAN 5:23

bo umurnea nodapot in toḷu nogatut bo onom nopuḷú boḻima notaong.

KINOBAḺIAN 5:25

Kon tungkuḷ in ki Metusalah umurdon mogatut bo waḷu nopuḷú bo pitu notaong, sia in nokouḻí kon adí ḷoḷaki, tangoinea ki Lamekh.

KINOBAḺIAN 6:9

Naadon in ouman soaḷ ki Nuh. Sia in kogadí kon ḷoḷaki taya toḷu, tangoi monia ki Sem, ki Yapet bo ki Ham. Ki Nuh in diá nogaid kon onu inta noitaḷá, bo tongádon sia in intau mopia kon tungkuḷ intua. Sia in nobiag modagin kon i Allah.

DATU MITA 2 2:1

Noiyaputdon in wakutunea ki Tuhan modia kon i Elia mamonik in soroga pongin uḷu in tompot. Kon dodai intua ki Elia bo ki Elisa in nobuatdon nongkon Gilgal,

DATU MITA 2 2:10

“Uḻe, mororigabí totok intua,” tubag i Elia. “Táe aka ontongonmu in akuoi kon dodai in akuoi diaan mamonik i Tuhan, dá onu in pinoigummu tua in ogoibí. Aka diá koontonganmu, yo onu in pinoigummu in diábí ogoi.”

DATU MITA 2 2:11

Kobaya-bayá, umuran in taya dua mongonguman. Bo daḻídon in kereta inta kodoko-dokot inta inugut in kabaḷo namangoi nopoyoguat kon inayadua bo diniadon namonik in uḷu in tompot minayá in soroga in ki Elia.

DATU MITA 2 2:12

Inontong i Elisa intua bo nomaḷú in sia, “Elia, Amáku! Amáku! Moḷoḷukad kon Israel inta motorindog! Diádon in ki Amá!” Dá diádon inontong i Elisa in ki Elia. Takin robonoḷ in dodob ki Elisa nomerak kon jubahnea nosilai doyowa,

MAZMUR 49:15

Naonda bo domba, mosia in sinantúbí kon matoi; popatoi in mobaḻí gombala monia. Doḷo-doḷom mosia sinaḷowdon in intau mojujur; awak monia in ḷagidon mobongkog kon dunia in intau minatoi, noyayú kon pogogutunan inta mopia totok.

MAZMUR 73:24

Kinapit-Mu in akuoi in tonggina, bo sinarima-Mu in akuoi takin horomat kon singgai moiduduimai.

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.

MATIUS 2:18

“Kinodongogandon in tombá kon Rama, ombaḷ bo amui inta totok mokokuyang; ki Rahel mongombaḷmai kon i adínea mita, bo sia in doí dondouḷugan, sin ki adínea mita in diá don.”

LUKAS 23:43

Dá kai Yesus doman, “Popirisayadon! Singgaipa doman in tanaa iko in moyotakin-Kudon kon Pirdaus.”

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.

YUDAS 1:14

Ki Henokh, buí impitunea nongkon i Adam, tungkuḷ intua nokoimontan doman in nopotaau in koyow i Allah soaḷ intau mita tatua. Ki Henokh in noguman nanaa, “Indoiai, ki Tuhan in mamangoi takin ribuan malaekat-Nea mita inta mokudus