KINOBAḺIAN 5:1 - Alkitab Singog In Mongondow Masa In Tanaa

¹ Naadon in buí mita i Adam. [Kon tungkuḷ in ki Allah nomia kon intau, pinomia-Nea in mosia notombatangan-Nea tontaní.

KINOBAḺIAN 5:1 Iomraidhean Croise

KINOBAḺIAN 10:1

Naa in buí i adí mita i Nuh, inta ki Sem, ki Yapet bo ki Ham. Naonda in kinopaḷutan mako in ḷunud moḷoben, taya toḷu in nokouḻí kon adí mita ḷoḷaki.

KINOBAḺIAN 2:4

Tuata in ouman soaḷ pinomaḻían i Allah kon dunia naa takin tombonunea. Kon tungkuḷ in ki Tuhan nomaḻí kon dunia naa,

KINOBAḺIAN 6:9

Naadon in ouman soaḷ ki Nuh. Sia in kogadí kon ḷoḷaki taya toḷu, tangoi monia ki Sem, ki Yapet bo ki Ham. Ki Nuh in diá nogaid kon onu inta noitaḷá, bo tongádon sia in intau mopia kon tungkuḷ intua. Sia in nobiag modagin kon i Allah.

TAWARIKH 1 1:1

Tangoi mita in mogoguyang in bangusa in Israel nongkon i Adam noidapot kon i Nuh, ná noiduduimai tanaa: Adam Set Enos Kenan Mahalaleel Yared Henokh Metusalah Lamekh Nuh. Ki adí ḷoḷaki i Nuh in taya toḷu: Ki Sem, ki Ham bo ki Yapet.

MOHOHUTUBA 12:1

Toropbí in ki Inta nomaḻí kon inimu kon tungkuḷ in iko nobagupa, kon dodai in diápa moiangoi in taong mita inta mopuḻing in roriga. Kon tungkuḷ intua iko in moguman, “Kobiaganku in diá mokosanang.”

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

MATIUS 1:1

Nanaa in asaḷ-usuḷ i Yesus Kristus, buí i Daud inta buí i Abraham.

KORINTUS 1 11:7

Aka ḷoḷaki yo diábí nongonu aka diá mogi koḷob in uḷu, sin bayongan kaadaan bo kawasa i Allah in ontongonbí kon inia. Táe kahoromatan in ḷoḷaki ontongonbí kon bobay,

KORINTUS 2 3:18

Tongá tanaa mako, pogot naton naa in diá bidon kinokoḷubungan, bo moposindar bidon in bayag i Tuhan Yesus. Tuamai tantú baḷuian ná Sia in kita; koonggot-koonggot, yo kobayag-kobayag domandon in kita. Bayag tatua in nongkon Roho, bo Roho tatua in ki Tuhanbí.

EPESUS 4:24

Bo kobiagdon in moiko saḷaku intau mobagu inta pinomia podudui in ibog i Allah, inta moibog dinumudui kon tabiat moitutui, motuḻid bo motusi.

KOLOSE 3:10

Bo tanaa moiko inogoiandon in kobiagan inta mobagu. Moiko nion in nobaḻí bidon intau nobagu, inta koyogot toimbaguon i Allah inta nopomia kon i monimu podudui in batangan-Nea tontaní. Makusudnea bá totu-totuudon kotaauan monimu in ki Allah.

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

IBRANI 12:9

Kon dunia naa oyúonbí in ki amá naton. Sia in motundú kon i naton, táe horomatonbí naton in sia. Yo bambíkabí bo ki Amá naton kon soroga, tantú mustibí in kita tumonsiup kon i-Nia sinbá mobiag in kita.