KINOBAḺIAN 49:9 - Alkitab Singog In Mongondow Masa In Tanaa

⁹ Ki Yohuda naonda bo singa batánea; sia in moḻimod kon kokaanonnea bodongka bui mayá kon dumunnea; sia momuḻikai bodongka umuḻid, bo diá tobatúmai intau mokobaḻí monuyayow kon inia.

KINOBAḺIAN 49:9 Iomraidhean Croise

DATU MITA IMITÁNEA 10:20

Kon popodnea koḷoigi bo kon popodnea koḷanan kon batúan in tukad mointok tatua oyúon in patong in singa – kobayongnea komintan in mopuḷú bodoyowá. Diábí kon dodai in onda oyúon in kadera in dodatuan in ná tatua in kon dodatuan kon ondakabí.

TAWARIKH 2 9:18

Kadera tatua in pinakéan in ḻimanea bo kon posiḷosinea oyúon in patong in singa. Kadera tatua in sinontukadan doman onom noḷandakan, bo roritakan inta inaipan in buḷawan. Roritakan tatua in sinobatú in kaderanea.

YEHEZKIEL 19:5

Diádon in mangaḻe in pinogoḷatan mako i inánea; bo kinotaauanneadon kon diádon in kamangnea. Dá ki adínea ibanea in ilatihnea nobaḻí singa inta morogi bo motorindog.

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

HOSEA 5:4

Aid moraat inta inaidan in intau in Israel nokopopisí kon i monia diádon mokopobui mangoi kon i Allah monia. Mosia in kinadaiandon in posumbaan kon berhala, dá mosia in diádon mopandungmai kon i Tuhan.

MIKHA 5:8

Israel in monaḷowbí kon musungnea mita poḷat morimumud kon i monia komintan.

PINOGIAPAN 23:24

Bangusa tatua nobangon naonda bo singa kobaayan, bo simindog motorindog naonda bo singa koḷakian. Diábí in sia mosiug aka diápa mokaan kon onu in kokaanonnea bo monginum kon dugú in kuruban inta dinomoknea.”

PINOGIAPAN 24:9

Bangusa tatua naonda bo singa koḷakian bo singa kobaayan, inta tumongkob bo umuḻid. Ki ine in mokobaḻí mopobangon kon inia? Poigumon mako intau inta momarakat kon inimu in barakatan doman, bo intau inta mongutuk kon inimu in kutukon doman.”

KORINTUS 1 15:24

Onda intua mokiamatdon. Kon wakutu intua potungkudon i Kristus in bayongan inta nomarenta, bayongan kawasa, bo bayongan in ropot; bodongka Sia in moposarakan in kawasa-Nea saḷaku Datu, kon i Allah, ki Amá naton.

ULANGAN 33:20

Bo kon suku i Gad sia in noguman: “Dinayo-dayowdon in ki Allah inta noginḷoben kon butá in Gad. Gad nogoḷat mako naonda bo singa tobatú sin moyabi kon kokaḷ ande kuḻit in uḷu.

WAHYU 5:5

Bo tobatú in intau nongkon sigad in itoi mita tatua in noguman kon inakó, “Donaai mongombaḷ! Indoiai! Singa nongkon suku in Yohuda, buí i Daud inta moḷoben, ain nountung. Sia in mokosanggup moḷosi kon meterai pitu tatua bo mobuká kon buk tatua.”