KINOBAḺIAN 49:3 - Alkitab Singog In Mongondow Masa In Tanaa

³ Ruben, ki adíku inta guya-guyang, ikobí in ropotku, bungai uḷuan in ḷoḷakiku. Iko in moroton totok bo moropot kon sigad in bayongan adíku mita.

KINOBAḺIAN 49:3 Iomraidhean Croise

KINOBAḺIAN 29:32

Ki Lea in sidiadon bo nopononggadídon in adí ḷoḷaki tobatú. Gumannea, “Ki Tuhan ain noindoi kon rorigaku, bo tanaa ki buḷoiku in motabidon kon inakó.” Bo sinangoianneadon in adí tatua ki Ruben.

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

KINOBAḺIAN 35:23

Ki adí mita i Lea in ki Ruben (adí guya-guyang i Yakub), ki Simeon, ki Lewi, ki Yohuda, ki Isakhar bo ki Zebulon.

KINOBAḺIAN 46:8

Tangoi mita in motoḷuadí i Yakub inta sinumakin minayá in Mesir in:

KINOBAḺIAN 48:18

Sia in noguman kon i amánea, “Donaai natua, Papa. Naabí in adí guya-guyang; poukatdon in ḻima i Papa koḷanan kon uḷunea.”

TAWARIKH 1 2:1

Adí ḷoḷaki i Yakub in mopuḷú bo doyowa: ki Ruben, ki Simeon, ki Lewi, ki Yohuda, ki Isakhar, ki Zebulon,

TAWARIKH 1 5:1

Ki Ruben naa in adí guya-guyang i Yakub. Táe popisí in ki Ruben naa in ain nopoonagmai kon kahoromatan in pahang tobatú i amánea, dá haknea saḷaku adí guya-guyang in ginamádon nongkon inia bo inogoi kon i Yusup. Umpaka natua táe inta totok in moropot kon sigad in buí Yakub in deemanbí suku i Yusup táe sukubí i Yohuda. Nodapot inta muna-munamai totok nobaḻí datu kon bayongan umat in Israel in nongkon sukubí i Yohuda tua.

TAWARIKH 1 5:3

Ki Ruben ki adí guya-guyang i Yakub, in kogadí kon adí ḷoḷaki taya opat: ki Henokh, ki Palu, ki Hezron bo ki Karmi.

MAZMUR 105:36

Bo iḻimod-Nea in adí mita ḷoḷaki inta guya-guyang kon bayongan in motoḷuadí in intau in Mesir.

MAZMUR 78:51

Sia in noḻimod kon adí mita guya-guyang kon batúan in motoḷuadí in Mesir.

PINOGIAPAN 1:20

Ḷoḷaki mita inta umur doyowa nopuḷú notaong bo namonik inta motaaudon baḻíon tontara, pinais in tangoi monia podudui in inanakan bo inanakannea, pinangkoi kon i Ruben, adí guya-guyang i Yakub nodapot kon i Naptali. Kobayong monia in: Suku Kobayong intau Ruben 46.500 Simeon 59.300 Gad 45.650 Yohuda 74.600 Isakhar 54.400 Zebulon 57.400 Epraim 40.500 Manasye 32.200 Benyamin 35.400 Dan 62.700 Asyer 41.500 Naptali 53.400 Kobayongnea komintan: 603.550

PINOGIAPAN 26:5

Nongkon suku i Ruben, adí guya-guyang i Yakub: inanakan i Henokh, i Palu,

ULANGAN 21:17

Sia in mustibí mobogoi in doyowa nosilai nongkon kapunyaannea kon adí ḷoḷaki inta guya-guyang, umpakabí adí tatua deeman ki adí i buḷoinea inta totok in kinotabinea. Hak in adí guya-guyang mustibí akúon i amánea, bo adí tatua in mustibí ogoian in haknea podudui in hukum.”

ULANGAN 27:13

Kon dodai in siningog in kutuk, suku Ruben, Gad, Asyer, Zebulon, Dan bo Naptali musti simindog kon tudu in Buḷud in Ebal.

ULANGAN 33:6

Ki Musa noguman nanaa kon suku i Ruben, “Igumon mako suku i Ruben diá moyopú, umpaka tongá topiḻik in intaunea.”

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.