KINOBAḺIAN 49:18 - Alkitab Singog In Mongondow Masa In Tanaa

¹⁸ O Tuhan, kasaḷamatan inta inogoi-Mu, tuata inta inoḷatku mako.

KINOBAḺIAN 49:18 Iomraidhean Croise

KINOBAḺIAN 49:17

Iko naonda bo uḷag kon bingkí in daḷan, uḷag mobisa kon bingkí in lorong, inta monobak kon singkod in kabaḷo modapot in moigarab in intau inta sinumakoi.

MAZMUR 119:166

Akuoi in mogoḷat mako kon kasaḷamatan nongkon ini-Mu, Tuhan, parenta-Mu mita in inaidanku.

MAZMUR 119:174

Ginaku in mokotanob kon kasaḷamatan nongkon ini-Mu, hukum-Mu in mokosanang kon ginaku.

MAZMUR 119:41

O Tuhan, poontongdon kon totuu motabi in Iko kon inakó, posaḷamatpa kaasí in akuoi podudui in dandi-Mu.

MAZMUR 123:2

Naonda bo ata tobatú mongamang mako kon i tuangnea, bo ata bobay ata mogoḷat mako kon i tuangnea bobay, natuata in kami mogoḷat mako kon ini-Mu, o Tuhan, Allah nami, modapot in Iko monotabi kon inami.

MAZMUR 130:5

Akuoi in mogoḷat mako kon totuḷung i Tuhan, dandi-Nea in inamangku mako.

MAZMUR 14:7

Igumon mako nongkon Sion mamangoi in kasaḷamatan kon Israel! Dá buí i Yakub in koangoianbí in ḷunganga in gina aka ki Tuhan mopoguḻídon in kobiagan in umat-Nea.

MAZMUR 40:1

Kon i itoi in mododondong. Mazmur i Daud.

MAZMUR 62:1

Kon i itoi in mododondong. Podudui in: Yedutun. Mazmur i Daud.

MAZMUR 62:5

Moiko in tongábí niat mopoḷabú kon inia nongkon ḷoḻitúannea inta moḷantud. Moiko in moibog monguboḷ; bibigmu pakéon monimu momarakat, táe kon bonu in gina monimu in mongutukbí.

MAZMUR 85:7

Iropotaidon bui in kami sinbá kami umat-Mu in moḷunganga popisí in totuḷung-Mu.

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YESAYA 33:2

O Tuhan, kotabipa kaasí in kami. Iko in nobaḻí oandoḷan nami. Ḷukadaidon in kami muḷoi in singgai bo posaḷamatdon in kami kon dodai in koantugan in roriga.

YESAYA 36:8

Tanaa in akuoi podoyon kon tangoi in datu in Asyur mokobaḻí mobataru kon aka moiko ogoian in kabaḷo doyowa noribu, yo notantú bidon kon diábí tugat natua in kobayong in intaumu inta tumakoi kon kabaḷo tatua.

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

OMBAḶ 3:25

Ki Tuhan tua in mopiabí kon intau inta umandoḷ mako kon i-Nia, bo kon intau inta motayak kon i-Nia.

HOSEA 12:7

Tuamai, ei buí i Yakub, popirisayadon kon i Allahmu bo pobuidon mangoi kon i-Nia. Kobiagdon takin bayongan in tabi bo kojojujur, bo oḷatdon takin sabar modapot in ki Allahmu mogaid.

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

MATIUS 1:21

Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

LUKAS 1:30

Dá malaekat tatua in noguman kon inia nanaa, “Dika moondok Maria, sin iko in kinosanang gina i Allah.

LUKAS 2:25

Kon wakutu intua, kon Yerusalem oyúon intau tangoinea ki Simeon. Sia naa intau mopia bo inta umuran dinumudui kon parenta i Tuhan, bo sia in mogoḷat doman mako kon koangoian in mopoposaḷamat kon Israel. Sia naa in umuran kinawasa in Roho i Allah.

LUKAS 2:30

Sin mataku tontaní inta ain nokoontong kon mopoposaḷamat inta nongkon ini-Mu.

SURAT I PAULUS KON JAMAAT RUM 8:19

Bayongan in mahaḷuk mogoḷat bo moibogdon totok mokoontong kon wakutu i Allah moponiata kon i adí-Nea mita.

SURAT I PAULUS KON JAMAAT RUM 8:25

Táe aka kita in moharap mako kon onu inta diá inontong naton, dá mosabarbí in kita mogoḷat.

GALATIA 5:5

Táe aka kon i nami, kami in tongábí moharap mako kon totabi i Allah sin pinodoyon kon pirisaya kon i Kristus, ki Allahbí in mobogoi in kasampatan mobiag moyodame bui takin-Nea.

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.