KINOBAḺIAN 48:21 - Alkitab Singog In Mongondow Masa In Tanaa

²¹ Bo ki Yakub nogumandon kon i Yusup, “Ná inta inontongmu tanaa, wakutuku matoi nodiugdon, táe ki Allah in motuḷungbí kon i monimu bo modia bui kon i monimu mayá in butá in mogoguyangmu.

KINOBAḺIAN 48:21 Iomraidhean Croise

KINOBAḺIAN 15:14

Táe bangusa inta mononggata kon buímu tua in hukumon-Ku bo kon tungkuḷ in buímu monaḷámai kon butá tatua, mosia in modia kon kapunyaan moantó.

KINOBAḺIAN 15:16

Naonda in opat nopobuían, ki adí bo ki ompumu in mobuidon mangoi kon naa, sin Akuoi in diábí moguntun kon intau in Amori aka mosia diápa totok in moraat dapot in paraḷu hukumon.”

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

KINOBAḺIAN 28:15

Toropdon, Akuoi in motuḷung bo mogoḻiung kon inimu, kon ondaka in bayáanmu, bo Akuoi in modia kon inimu mobui mangoi kon butámu tanaa. Akuoi in diábí monaḷámai kon inimu modapot in aidan-Kudon bayongan inta ain pinodandi-Ku kon inimu.”

KINOBAḺIAN 37:1

Ki Yakub in nogutundon notantú kon butá in Kanaan, tampat pinogutunan i amánea,

KINOBAḺIAN 46:4

Takinan-Ku iko mayá in Mesir, bo bui modia mangoi kon buímu mobui mangoi kon butá tanaa. Bo ki Yusup in mogompigbí kon inimu aka wakutumudon.”

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

KINOBAḺIAN 50:24

Gumannea kon i utatnea mita, “Wakutuku matoi nodiugdon, táe ki Allah pastibí kon umuranbí moḷukad kon i monimu bo modia kon i monimu ḷumuai nongkon butá tanaa, bo mayá in butá inta ain pinodandi-Nea takin nongibot kon i Abraham, kon i Ishak bo kon i Yakub.”

KINOBAḺIAN 50:6

Bo ki datu in nogumandon, “Bayádon poḷobong kon i amámu ná inta ain pinodandimu kon inia.”

MAZMUR 18:46

Barani monia in noinggamádon; nourot in mosia bo iḻumuai nongkon poḷoḷukadan monia.

LUKAS 2:29

“Tanaa mako Tuhan, aindon inaidan-Mu onu inta pinodandi-Mu. Tuamain pomayádon mako in bobantung-Mu naa matoi takin pia in gina.

OUMAN IN RASUL MITA 13:36

Naonda in nogaid mako kon onu inta kinoibog i Allah in ki Daud kon wakutu in nobiagpa, sia in minatoi domandon bo iḷobong kon diug i mogoguyangnea. Dá noyoyangbí domandon komintan in awaknea.

ULANGAN 30:3

dá ki Tuhan Allahmu in monotabibí kon i monimu. Moiko in diaan-Neabí bui nongkon bangusa mita inta pinoporangkapan kon i monimu, bo bui ogoian in kobiagan motompia.

ULANGAN 31:8

Ki Tuhan tontaní in mokapit bo motuḷung kon inimu. Diábí pokuyangon-Nea in ginamu bo diábí doman taḷaan-Nea in iko, tuamai dikadon moondok ande mogagawang.”

TIMOTIUS 2 4:6

Aka soaḷ akuoi, yo naadon i wakutu matoi saḷaku kuruban kon i Allah. Diádon moonggot monaḷámaidon kon dunia naa in akuoi.

IBRANI 7:3

Diá in katarangan mongo oyúon in ki amá ande ki inánea, ande mogoguyangnea. Diá doman in katarangan soaḷ kinolahirannea andeka kinopatoiannea. Sia in nádon onda bo ki Adí i Allah. Sia in nobaḻí Imang inta mononoi.

IBRANI 7:8

Imang mita inta motarimamai kon mopuḷú noporsen nongkon onu inta nouḻí in umat, mosia tua in intaubí doman inta mato-matoi. Táe podudui in onu inta pinais kon Buk Motusi, ki Melkisedek inta notarimadon kon mopuḷú noporsen ná silai imang tua in intaubí inta umuran nobiag.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

YOSUA 23:14

Tanaa in wakutukudon matoi. Moiko komintan, in nonotaaudon totu-totuu kon ki Tuhan Allahmu ain nobogoi kon inimu in bayongan inta mopia inta pinodandi-Nea. Bayongan inta pinodandi-Nea ain inintompodan-Nea, diá tobatúmai in kinoḻiongan-Nea.

YOSUA 3:7

Ki Tuhan noguman kon i Yosua, “Pinangkoi kon singgai in naa iko baḻíon-Kudon intau moḷoben dá bayongan intau in Israel mohoromatdon kon inimu bo kotaauandon monia kon Akuoi in kotaki-takinmu ná doman Akuoi nonakin kon i Musa.

PETRUS 2 1:14

Sin kinotaauanku bidon kon diá bidon moonggot in akuoi bo matoi, sin pinotaau bidon notarang i Tuhan Yesus Kristus kon inakó intua.