KINOBAḺIAN 48:20 - Alkitab Singog In Mongondow Masa In Tanaa

²⁰ Bo binarakatanneadon bui in adí mita tatua kon singgai tatua, gumannea, “Intau mita Israel in monangoidon kon tangoimu aka mosia momarakat kon intau. Mosia in mogumanbí, ‘Poigumon mako ki Allah mopobaḻí kon inimu naonda ki Epraim bo ki Manasye.’ ” Kon tosingogonnea tatua noniatadon kon ki Yakub nopounadon kon i Epraim nongkon i Manasye.

KINOBAḺIAN 48:20 Iomraidhean Croise

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

KINOBAḺIAN 48:21

Bo ki Yakub nogumandon kon i Yusup, “Ná inta inontongmu tanaa, wakutuku matoi nodiugdon, táe ki Allah in motuḷungbí kon i monimu bo modia bui kon i monimu mayá in butá in mogoguyangmu.

PINOGIAPAN 13:16

Tuata in intau mita mononoimata inta pinotabá i Musa monaridi kon butá tatua. Ki Hosea adí i Nun binaḷuaian i Musa in tangoinea ki Yosua.

IBRANI 11:21

Popisí in oyúon pirisaya, dá wakutu in ki Yakub diápa minatoi, binarakatannea in ki adí mita i Yusup. Kinumadai in sia kon tungkudnea bo nosumba kon i Allah.

YOSUA 17:14

Buí i Yusup in noguman kon i Yosua, “Nongonu sin kami in tongábí inogoian in tongosilai in butá, bokaka kami naa in totuubí moantó, sin ki Tuhan ain nomarakat kon inami?”