KINOBAḺIAN 48:16 - Alkitab Singog In Mongondow Masa In Tanaa

¹⁶ Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

KINOBAḺIAN 48:16 Iomraidhean Croise

KINOBAḺIAN 22:11

Táe malaekat i Tuhan in nokuuk kon inia nongkon ḷangit, “Abraham, Abraham!” Tubag i Abraham, “Ya, Tuhan!”

KINOBAḺIAN 22:15

Komintanpa doman nongkon ḷangit malaekat i Tuhan nokuuk kon i Abraham,

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

KINOBAḺIAN 46:3

“Akuoi ki Allah, inta sinumba i amámu,” guman-Nea. “Dika moondok in mayá kon Mesir. Baḻíon-Ku in buímu bangusa inta moḷoben kon tua.

KINOBAḺIAN 48:5

Guman bui i Yakub, “Yusup, ki adímu doyowa, ki Epraim bo ki Manasye inta noilahir kon Mesir naa kon dodai in akuoi diápa noyaput kon naa, inanggapkubí ná ki adíku tontaní, pinodayan ná ki Ruben bo ki Simeon.

KINOBAḺIAN 49:22

Ki Yusup naonda bo keledai inta batánea, keledai kaḻig kon diug in bokaká, noribatuk kon aḻet in buḷud.

SAMUEL 2 4:9

Táe ki Daud in notubag, “Ki Tuhan inta nobiag, inta ain noposaḷamat kon inakó nongkon bayongan inta mokobodito, nonotaaubí kon onu inta singogonku naa in totuubí.

DATU MITA IMITÁNEA 1:29

Bo ki tuang datu in noguman kon inia, “Totuu kon akuoi in nodandidon kon inimu, pinodoyon kon tangoi i Tuhan, Allah in Israel, kon ki Salomo adímu ḷoḷaki in momaḷui kon inakó mobaḻí datu. Tanaa modandidon in akuoi kon inimu podoyon kon tangoi i Tuhan inta nobiag, inta ain nopoḷuat kon inakó nongkon bayongan in rorigaku, kon singgai naa doman intompodankudon in dandiku kon inimu.”

TAWARIKH 2 7:14

bo umat-Ku inta nomaké in tangoi-Ku tua sinumonsiup, bo mosambayang poḷat namangoi kon i-Nakó bo nonaḷámai kon aid monia inta moraat, dá nongkon soroga indongogan-Ku in sambayang monia. Ampungankubí in dosa mita monia bo baḻíon-Kudon in butá monia mobiag motompia bui.

MAZMUR 121:7

Ki Tuhan in moḷukadbí kon inimu nongkon anib, Sia in moḷukad kon inimu sinbá kobiaganmu in mosaḷamat.

MAZMUR 34:2

Akuoi in moibog mosukur kon i Tuhan pomuḷoi mako, bo diá mogoga-gogai in modayow kon i-Nia.

MAZMUR 34:22

Inta moraat in matoibí popisí in aidnea moraat, intau inta mondoí kon intau motoḷutui in hukumonbí.

MAZMUR 34:7

Intau nororiga in nokuani bo sinubagan i Tuhan, nopoḷuat kon inia nongkon bayongan in roriganea.

MAZMUR 34:8

Malaekat i Tuhan in moḷukad kon intau inta mopirisaya, bo mopoḷuat kon i monia nongkon anib.

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

YESAYA 47:4

Ki Allah mokudus in Israel in mopoḷuat kon i naton, tangoi-Nea in ki Tuhan Inta Totok in mokawasa.

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

YEREMIA 14:9

Nongonu sin Iko in naondabí bo intau inta notoboḻingo; naonda bo pahlawan inta diá mokotuḷung? Táe notantúbí kon Iko in naa kon yua-yuak nami, Tuhan! Kami in umat-Mu, dikabí taḷaan-Mu in kami!’ ”

YEREMIA 15:21

Poḷuaton-Ku in iko nongkon kawasa in intau moraat inta moromú. Akuoi, ki Tuhan, ain nosingog.”

AMOS 9:12

Intau in Israel in mongawasabí kon butá in Edom inta oyúonpa takin bayongan in bangusa inta dungkuḷmai kapunyaan-Ku. Akuoi ki Tuhan, ain nosingog bo Akuoi in mopobayábí intua.”

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

YOHANES 17:15

Deemanbí Akuoi in mopoigum konbá gamáandon i Amá in mosia nongkon dunia naa, táe poigumon-Ku sinbá ḷukadan i Amá in mosia nongkon kawasa i inta moraat.

OUMAN IN RASUL MITA 15:17

sinbá onda intau in Yahudi inta diápa nopirisaya kon i Allah komintan motayak kon i Tuhan, takin bayongan in intau inta deeman intau in Yahudi inta aindon muna inoiní-Ku mobaḻí umat-Ku.’ Natua in kai Tuhan,

SURAT I PAULUS KON JAMAAT RUM 8:23

Bo deemanbí tongá mosia in mogamui; táe kitabí doman inta ain notarima kon Roho i Allah. Tua in oogoi i Allah inta muna, tongá kita in umuranpabí doman mogoḷat mako kon i Allah mopoḷuat kon bayongan in awak naton bo baḻíon-Nea in kita ki adí-Nea mita.

KORINTUS 1 10:4

bo nonginum kon tubig inta ain doman sinantú kon inumon monia. Mosia komintan in nonginum kon tubig nongkon buḷud batu inta umuran kotaki-takin monia; buḷud batu tatua in ki Kristus.

KORINTUS 1 10:9

Kita in diábí motaau in monungkuḷ kon i Tuhan ná inta inaidan in tongonumai intau kon sigad monia tungkuḷ intua, sahingga minatoi sinobak in uḷag inta mobisa in mosia.

ULANGAN 28:10

Dá ontongondon in bayongan bangusa kon dunia kon moiko nion in bangusa inta piniḻí i Tuhan, bo mosia in mobangkaḷbí kon i monimu.

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”

TIMOTIUS 2 4:18

Totuubí kon ki Tuhan in momilatbí kon inakó nongkon bayongan tomayá moraat, sahingga in diaan-Neabí in akuoi tumuot kon dodatuan-Nea kon soroga takin saḷamat. Tuamai in tantúbí dayow in Sia modapot in kopaḷutan dunia naa! Amin.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 11:21

Popisí in oyúon pirisaya, dá wakutu in ki Yakub diápa minatoi, binarakatannea in ki adí mita i Yusup. Kinumadai in sia kon tungkudnea bo nosumba kon i Allah.

YOSUA 17:17

Dá ki Yosua in noguman kon suku in Epraim bo suku in Manasye kon toyopan tatua, “Totuu, kon moiko nion in moantódon totok bo moropotdon, bo patusdon ogoian in moiḻiu kon tongo tonsilai in butá.