KINOBAḺIAN 48:12 - Alkitab Singog In Mongondow Masa In Tanaa

¹² Onda intua ki Yusup nogamá kon i monia nongkon kokoyo-koyot i Yakub, bo sia doman tontaní sinumungkud kon tayowon i amánea.

KINOBAḺIAN 48:12 Iomraidhean Croise

KINOBAḺIAN 18:2

Naonda in sia dinumungádon monik, sia in nokoontong kon intau taya toḷu sinimindog kon tayowonnea. Ki Abraham in baḷú noribatuk sin monontomu kon i monia tua. Takin sinumungkud

KINOBAḺIAN 19:1

Naonda in nongkon i Abraham, malaekat doyowa tatua minayá in Sodom bo noyaput kon tua ain nodoḷomdon. Ki Lot ḻimitú mako kon ngara in kotá, bo naonda in nokoontong kon i monia, sinimindog in sia sin monontomu kon i monia. Bo dinumokódon in sia kon tayowon monia,

KINOBAḺIAN 23:7

Onda intua sinumungkudon in ki Abraham kon tayowon monia,

KINOBAḺIAN 33:3

Ki Yakub in minayá kon muna totok monia komintan, bo koyogot in sia mayá dimiug kon i guya-guyangnea, sia sindaḷan tumungkud nodapot in kopitu.

KINOBAḺIAN 42:6

Intau inta nopotaḷui in gandum kon intau mita inta nongkon ḻipú-ḻipúannea tua in ki Yusupbí, gubernur in Mesir. Tuamai ki guya-guyangnea mita namangoi bo sinumungkud kon tayowonnea.

KINOBAḺIAN 48:11

Bo ki Yakub in nogumandon kon i Yusup, “Totok bidon diá kon gina-ginaku mako kon buipa akuoi moyodungkuḷmu, táe tanaa ki Allah nobogoipa doman in wakutu kon inakó noyodungkuḷ i adímu mita.”

KINOBAḺIAN 48:13

Nopaḷut mako kon tua ki Yusup in nopodiug kon i adínea mita kon i Yakub, ki Epraim inta ai-ai kon dotá in koḷoigi bo ki Manasye inta guya-guyang kon dotá in koḷanan. Táe ki Yakub nopoyotanga in kokaḷnea bo nopoukat in ḻimanea koḷanan kon uḷu i Epraim, bo ḻimanea koḷoigi in pinoukatnea kon uḷu i Manasye.

DATU MITA IMITÁNEA 2:19

Dá minayádon in ki Batsyeba kon i datu makusud mopoyosingog intua sin kopontingan i Adonia. Sinimindog in ki datu sin monontomu kon i inánea bo sinumungkud kon inia, bo dongka iḻimitú bui kon ḷoḻitúannea. Onda intua sia nokisadia in ḷoḻitúan kon dotá in koḷanannea sin ḻitúan i inánea.

DATU MITA 2 4:37

Sinumungkud kon tayowon i Elisa in ki iná tatua bodongka nodia kon i adínea iḻumuai.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

IḶUAIAN 34:8

Kon dodai doman tatua ki Musa dinumokó nosumba.

AMSAL 31:28

Sia in ihoromat i adínea mita, bo dinayow i buḷoinea.

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

IMAMAT 19:32

Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.

EPESUS 6:1

Uḻe! Moiko mongoadí mita inta saḷaku dumodudui i Kristus, duduiaibí in tonggina in guyangamu, sin natuabí in kinoibog i Allah aidanmu.