KINOBAḺIAN 47:6 - Alkitab Singog In Mongondow Masa In Tanaa

⁶ Anggapdon butá in Mesir naa ná doman onda bo butámu tontaní. Pomayádon mako in mosia mogutun kon butá in Gosyen, butá inta totok in mopia kon sigad in butá mita kon naa. Bo aka oyúon in kotaauanmu kon sigad monia in mopandoi monombobiagon yo pokiḷukadaidon in bobiagonku.”

KINOBAḺIAN 47:6 Iomraidhean Croise

KINOBAḺIAN 13:10

Ki Lot nobobui magí mako bo inontongnea kon bayongan Ḷopá in Yordan, nodapot kon kotá in Zoar nobarong in tubig, ná taman i Tuhan ande naonda bo butá in Mesir. (Natuata in kaadaannea kon dodai in diápa pinokak i Tuhan kotá mita in Sodom bo Gomora.)

KINOBAḺIAN 13:9

Tuamai maníka kitada in moyotontanídon. Piḻídon kon dotá onda in butá inta koibogmu. Aka iko mopobayá ná koḷoigi dá akuoi in mopobayá ná koḷanan, aka iko mopobayá ná koḷanan dá akuoi mopobayá ná koḷoigi.”

KINOBAḺIAN 20:15

Guman i datu tatua kon i Abraham, “Naadon in bayongan butáku; pogutundon kon ondaka in kinoibogmu.”

KINOBAḺIAN 34:10

Dá tai utat mita in motaaudon mogutun moyotakin nami kon butá tanaa; kon ondakabí in koibog monimu. Tai Utat mita motaaubí in motayak bo mogutun motantú kon naa.”

KINOBAḺIAN 45:10

Ki Amá in motaaubí mogutun kon butá in Gosyen, modiug kon inakó – ki amá takin adí bo ompu, domba, bembé, sapi bo bayongan kapunyaan i amá.

KINOBAḺIAN 46:34

potaaudon kon inia kon moiko in mononombobiagon nongkon mointokanmai, notongkai ná mogoguyang monimu. Aka natua dá potabáneadon in moiko mayá mogutun kon butá in Gosyen.” Ki Yusup noguman natua sin intau in Mesir ná pokopoonagonmai aka moyobayat takin gombala mita.

KINOBAḺIAN 47:11

Ki Yusup notuḷung kon i amá bo kon i utatnea mita nogutundon notantú kon Mesir. Sinilainea in mosia in butá inta totok mopia kon sigad in butá kon tua inta kon diug in kotá in Rameses, podudui in parenta i datu.

KINOBAḺIAN 47:16

Ki Yusup notubag, “Aka doitmu ain nodait, yo ogoidon in biagmu; bá ogoianku in kaanon monimu.”

KINOBAḺIAN 47:4

Kami namangoi sin mogutun kon butá tanaa, sin kon butá in Kanaan totokdon motoyang in malarat, dapot in diádon bonok kaanon in bobiagon bembé domba nami. Ogoidon in kami mogutun kon butá in Gosyen.”

KINOBAḺIAN 47:5

Bo ki datu nogumandon kon i Yusup, “Tanaa ki amá bo ki utatmu mita oyúondon kon naa.

DATU MITA IMITÁNEA 11:28

ki Yerobeam in nogaid doman kon tua. Naonda in inontong i Salomo kon ki Yerobeam in motoḻindat bo morajing, sia in nobogoi in oaidan kon inia moindoi kon pogaidan in ata mita kon butá in suku in Manasye bo Epraim.

TAWARIKH 2 26:10

Sia in noposindog doman in ḷangkeang mita inta dininding kon butá inta kon padang gurun, bo nongaḻi kon nobayong in parigí sin nobayong totok in bobiagonnea, pinomayá kon buḷud andeka kon ḷopá kon dotá in toyopan. Popisí in sia moibog moindoi kon ponononggobá, dá nopotabá in sia nokiaid kon nobayong in intau sinbá monoimbotú kon gobá mita in anggur kon buḷud, bo mononggobá kon butá mita inta mopia.

IḶUAIAN 18:21

Táe kon ḻikud intua iko mustibí momiḻí kon tongonumai intau ḷoḷaki inta mobijaksana, bo momiḻí kon i monia mobaḻí itoi kon intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú. Mosia tua in mustibí intau inta motoguondok bo motoindudui kon i Allah, motaau pirisayaan bo doí mogabat kon doit inta poguboḻi kon pelekara.

IḶUAIAN 18:25

bo sia in nomiḻídon kon tongonumai intau mita mobijaksana kon sigad in bangusa Israel. Sinundúnea in mosia nobaḻí itoi kon paanan intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú.

IḶUAIAN 9:10

Ki Musa bo ki Harun in nogamá domandon kon ḷobud, bo minayá in tayowon i datu. Ki Musa nopotabud in ḷobud tatua kon ḷangit. Bo nomukádon in bituḷ mita inta mobotow nobaḻí paḻí inta motombobog kon intau bo kon mahaḷuk.

IḶUAIAN 9:21

Táe ibanea in doí nopandungmai kon tompoingat tatua bo sinaḷáanmai monia in ata mita bo bobiagon monia kon tampat popokaanan monia in bobiagon.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

AMSAL 22:29

Nokoimontandon degá iko in nokoontong kon intau inta mopandoi nogaid kon oaidannea? Intau tatua in pokiaidanbí kon komaḻig in datu mita, deemanbí kon baḷoi in intau biasa.

YEREMIA 40:4

Tanaa in bukaankudon in pinoumantungan kon inimu bo iko in buḻiankudon. Aka moibog in iko, yo motaaubí in dumudui mayá in Babel, bo ḷukadankubí in iko. Táe aka doí, diábí doman nongonu. Kon sinangkub in butá tanaa mobebasbí in iko in mayábí in onda in koibogmu.”

YOHANES 17:2

Amá inogoi-Mudon in kawasa kon i-Nia sin mongawasa kon bayongan inta nobiag, sinbá Sia in mobogoi doman in kobiagan mononoi kon i monia inta inogoi i Amá kon i-Nia.

SAMUEL 1 21:7

Noitongkaná, in ki Doëg intau in Edom, itoi in gombala in bobiagon i Saul kon tua in singgai tua sin momaḷut kon onu inta sinantú kon agama.)