KINOBAḺIAN 47:4 - Alkitab Singog In Mongondow Masa In Tanaa

⁴ Kami namangoi sin mogutun kon butá tanaa, sin kon butá in Kanaan totokdon motoyang in malarat, dapot in diádon bonok kaanon in bobiagon bembé domba nami. Ogoidon in kami mogutun kon butá in Gosyen.”

KINOBAḺIAN 47:4 Iomraidhean Croise

KINOBAḺIAN 12:10

Táe kon Kanaan koyogot in malarat moḷoben, tuamai ki Abram in minayápa bui in tampat inta moyayu-yayú nopobayá in toḷatan, kon butá in Mesir sin mogutun kon tua modapot in malarat tatua mopaḷut.

KINOBAḺIAN 15:13

Ki Tuhan noguman kon inia, “Pokotorop, buímu in mobaḻí intau ango-angoi kon butá intau; mosia in mobaḻí ata kon tua bo tonggataan kon bonu in opat nogatut notaong in koonggotnea.

KINOBAḺIAN 43:1

Malarat kon Kanaan totokdon modugang motoyang, bo naonda in nodaitdon in gandum inta dinia nongkon Mesir kon motoḷuadí i Yakub, ki Yakub in nogumandon kon i adínea mita, “Bayádon bui in Mesir bo buidon potaḷui kon gandum sin kaanon naton.”

KINOBAḺIAN 45:10

Ki Amá in motaaubí mogutun kon butá in Gosyen, modiug kon inakó – ki amá takin adí bo ompu, domba, bembé, sapi bo bayongan kapunyaan i amá.

KINOBAḺIAN 46:34

potaaudon kon inia kon moiko in mononombobiagon nongkon mointokanmai, notongkai ná mogoguyang monimu. Aka natua dá potabáneadon in moiko mayá mogutun kon butá in Gosyen.” Ki Yusup noguman natua sin intau in Mesir ná pokopoonagonmai aka moyobayat takin gombala mita.

KINOBAḺIAN 47:5

Bo ki datu nogumandon kon i Yusup, “Tanaa ki amá bo ki utatmu mita oyúondon kon naa.

MAZMUR 105:23

Bo ki Yakub in minayá in Mesir bo nogutun notantú kon tua saḷaku intau ango-angoi.

YESAYA 52:4

Koḻipod in moiko minayá in Mesir bo nogutun kon tua nobaḻí intau ango-angoi. Onda intua Asyur nogamá kon kapunyaanmu takin diá in kinodoyonannea.

OUMAN IN RASUL MITA 7:11

Noiduduimai kon tua noiangoidon sempo in malarat moḷoben kon bayongan butá in Mesir bo kon butá in Kanaan sahingga intau in nokorasadon kon roriga. Mogoguyang naton in kinodaitan domandon in kaanon.

OUMAN IN RASUL MITA 7:6

Táe naa in pinoguman i Allah kon inia, ‘Buímu in mogutun kon tua saḷaku mokokiangoi kon butá intau ibanea. Bo baḻíon monia ata poḷat doman rori-rorigaanmai kon bonu in opat nogatut notaong in koonggotnea.

ULANGAN 26:5

Onda intua kon tayowon i Tuhan Allahmu, musti in iko mopoyaput in tosingogon mita tanaa: ‘O Tuhan, mogoguyangku naa intau in Aram inta nodondaḷoi. Sia nodia kon koluarganea minayá in Mesir bo nogutun kon tua nobaḻí mokokiangoi. Kon tungkuḷ in minayá intua mosia tongá topiḻik, táe mosia in nobaḻí bangusa inta moḷoben bo moropot.